Our Life in AUS‧結束澳洲體驗之旅

十一月十五日

今日終於見到兩隻野，感覺好興奮！之後我地去咗攞Caravan，看似所有野係早上都係好既，不過... Cheapa Van公司的服務態度真係激差！收費同網上Book既都有出入，一連十四日四人之旅即將開始。

第一站係去Forster食生蠔，作為SamSam既生日禮物。

十一月十六日

全日都趕車，我地由Sydney去Gold Coast，晚上只係停係d Rest Area到開餐以及瞓覺呢！

係沙灘見到呢對情侶，想點呢... ?

十一月十七日

一早大約七點幾起身梳洗，之後陪老公揸車，為的要趕去Gold Coast。去到Gold Coast我地入咗Caravan Park之後就去咗Palm Beach到玩水，點知... 人落水我落水，我一落水腳指公就「爆江」，真可惡！但我冇放棄玩水既機會，因為果到D水真係好淺同埋好清，其怪既係果到有好多魚仔，連老公都唔敢潛個頭入水，佢話怕d魚游入佢個口到wor，哈哈！今日仲去埋Surfer Paradise哩個景點影相。由於之前我同Joe到去過，所以有點舊地重遊的感覺。

十一月十八日

一早起身食係Caravan Park食過豐富早餐之後，男士要開始做大事！

搞掂晒就出發喇，用咗一個鐘多的時間去到Brisbane。嘩！終於去到Southbank Parkland，果到有一個人做沙灘，so funny！

而今日都諗唔到食咩Lunch，所以我地一人買咗一條Subway既一尺長包食！太滿足了！

今日要講吓我地架Caravan，我地架Caravan可以住六個人，我同Joe瞓係司機頂既床，Dick + Sam就瞓係車尾，而司機位後面係另一張床/枱，亦都係我地日日開餐既地方，除此之外，仲有廁所+浴室，以及Open Kitchen。基本上，車上既所有野都齊備，但係因為有用水既限制，以及要自己清理屎尿，所以未必適合多人旅遊既好伙伴啊！但我個人係Okay的。

沿途趕往Mackay時天氣相當差

十一月十九日

今日本係係要趕路去Cairns既，但因為架Caravan唔知發生咩事亮起咗engine fault，於是我地只好縮短行程，係Mackay落腳，擺低車修理呢！真係so pool!!!

十一月二十日

今朝一早我起咗身喇，一來天氣太熱瞓得唔好，二來係因為我怕比人抄牌，(我地泊咗係Shopping Mall既停車場)，所以成晚都瞓得好差！今日要去整車，本身無Booking，去到d人話，你冇booking係冇得修理！唔係嘛！！之後佢地直接同我地租車公司傾，又可以排到今日3:30pm，咁即係變相我地要留一日係Mackay啦！

不過好彩係哩到有一個免費既公眾戲水地方，如果唔係大家都會熱到死咗！

大約四點幾我地攞返車之後，Joe又要keep住趕路了！佢打算用一晚時間去到Cairns，因為我地報咗明天潛水團呢！由Mackay去Cairns大約有XXXkm，真係辛苦佢以及陪佢走路的「老林」。

十一月二十一日

一張開眼已經到達Cairns了，等到八點左右我地就出發去玩喇！等待以及可以感受大堡礁既心越來越興奮。用咗少少時間聽佢講解點樣潛水後，我地全部人都換上了潛水衣，化身潛水人員！不過世事往往弄人，我本身好想好想潛水，好可惜落到水無辦法正常呼吸，所以我放棄了，只有Joe+Dick繼續上路，而我就轉攻浮潛呢！Joe+Dick第一次潛入水底便和鯊魚，大魚以及海龜碰頭了。

水底既世界真係好靚好靚，無諗過生存於水底既礁可以密麻麻得如此多。真是難能可貴的體會！

十一月二十二日

今日全日都Stay係Cairns，行咗Night Market，本身諗住行完Night Market返去Park到BBQ，點知當我地去Supermarket既時候... 全部都收晒工，鬼咩因為今日係星期日，佢地四點幾全部都收晒工！好彩去之前我地都買咗d野食，如果唔係今晚都唔知食咩好！

十一月二十三日

今日要趕回程去Rainbow Beach，事關明天要去Fraser Island，心情相當緊張+興奮，因為我地只係打咗個電話去訂位，並未比錢，所以我有點怕去到Rainbow Beach既油站收咗工，個團亦都Full埋！咁真係大叫一句"OH MY GOD！"。哩種等待玩而產生既恐懼，原來都同樣可怕！九點幾十點先去Rainbow Beach，果然，油站真係收咗...佢地Office Hour係6:30am至6:30pm，只好等明天一早殺入去再問問啦！願主保佑！

十一月二十四日

由於成晚個心一時又想住去玩，一時又怕俾人抄牌，所以係瞓得唔好既情況之下，我決定叫醒阿Joe一齊去油站！一落床... 見到司機車窗外有一張紙，我同Joe互望咗一吓... 唔係掛抄牌！我即刻走去睇睇，原來係Council d人出既Kindly reminder... 真係嚇死人喇！

跟住走去Shell油站，個店員話佢搵唔到我地個Booking Number…但佢見到仲有位，所以佢叫我地比定錢，睇吓一陣個導遊比唔比我地Join，叫我地七點四十五分返去問一問，哩個又係另一個嚇！嘩！一早起身遇到咁多驚嚇，心血少d都唔得呀！

好彩，最後我地都Join到哩個團，Fraser Island真係好靚，由一開始要坐四驅巴士已經係一件好好玩既事，加上有一個好靚既淡水Lake McKensie，最後仲睇埋Maheno Shipwreck呢條船，真係靚上加靚！好可惜時間太短了！

十一月二十六日

今日同3姊妹石碰頭，好興奮！但由於太攰諗唔到寫咩好...

十一月二十七日

最後一日用Caravan，即係話四人行快將完結，今日我地用一日時間行晒Sydney要行既地方，犀利！

十一月二十八日

係Dick + Sam臨走前我地去食咗一餐海鮮宴，餘吓既日子我地將會係大家姐個朋友個媽咪屋企到住喇...

十一月二十九日至十二月四日

哩幾日都只不過係Sydney市內行，但係原來Sydney係一個好boring既地方... 對於我來說，我並不太歡喜呢！



不過，好的是因為我地係這兒有得住係Central Station附近，所以相當方便。整個澳洲之旅結束在即，我真的無辦法形容依家既心情。但我可以講這次之旅真的不枉此行，因為我所遇到的人和事，真的叫我大開眼界以及擴闊視野，一d好好既記憶將一一放入我的腦海中... 誰會想到明天將會發生什麼的一回事，但願及時行樂，人生真的充滿光輝呢！

Thanks Julia & Caroline

Our Life in AUS‧澳洲體驗之旅 - 最後一擊

十月三十一日至十一月十四日 (5th Farm in Sundowner Tiona Tourist Park at Pacific Palms)

十月三十一日

原本今朝係要五點起身整早餐，之後六點出發離開個Farm，點知兩個又做豬，變咗六點起身，整埋早餐搞下哩樣搞吓果樣又七點先可以出發。今日係要向Port Macquarie方向走，但沿途無咩好風景，所以成程車我都幾乎瞓著，大概三點幾到達最後一個Farm。

一去到就去咗Reception搵Noel主管，佢一見到我地就即刻帶咗我地去我地住個地方，嘩嘩嘩！今次不得了喇，我地有一間屬於自己既Cabin，有得住野住，不過冇自己廁所，但我地兩個都好滿足，佢帶我地睇完哩個單位之後，仲同我地講哩到所以設施我地都可以免費享用，例如泳池、Spa、Kayak以及Internet等等，之後佢仲叫我地寫個食物List比佢，佢會聽日幫我地買返黎。太好了，有得食；有得住；仲有得玩。由於係咁，我地今晚又去咗麥當當慶祝了！

仲有呀，哩到每日只係做四個鐘，哩d咁好既工，真係唔知係邊到搵呀！

明早八點開工了，祝一切順利。

Day1 - 十一月一日

今日係第一日工作，但係第一日開工就做足8個鐘，亦都因為係咁我地換黎咗明天一日day off。哩到係一個渡假既地方，所以我地今日全日都係負責清潔房間、抺窗、而Joe就要清除蜘蛛網，佢真係唔好彩，因為佢俾蜘蛛圍，一d蜘蛛BB仲佈滿佢個頭呢！其實清潔房間一d都唔辛苦，因為一行有五人，一人做一個角落，十分鐘咩都可以搞掂！Easy Easy！

做到咁上下，我地個同事叫我地返去收食物，點知返到去門口，我地兩個笑到見牙唔見眼喇，因為佢地真係買晒成個List既野返黎，仲有一d係個List以外ga，真係好多野食。不過細看之下，有好多都好快會到期，所以我地就一齊諗定哩一個星期既食譜。

題外話，可能d外國人好鍾意將d野放係冰箱，所以佢地唔介意d食物過期，我地試過去一個Farm到問Host有冇麵包，佢話有等一等，點知果袋包係expired三至四日，但由於佢地係冰住，所以又好似冇咩事咁！


Day2 - 十一月二日

今日day off，但我地2個一早七點就去咗玩喇，因為今日天氣好好，我地去咗玩Kayak(即係獨木舟)，真係好正，我地係一個好大既湖到玩，去到海中心都係好淺水，我地仲見到好多「白炸」，由於我地對佢地充滿疑惑，所以我地好衰咁用支槳撈佢地上水，但係佢地太滑喇，一上水就即時跌返落水，但我地好好彩見到有成家「白炸」咩size都齊。大約玩咗3個鐘，我地就返咗去游水以及浸Spa，真係好「梳干」呀！

今日係奶奶生日，我等咗哩個時機好耐喇，終於…終於可以打電話返香港，當我打返屋企聽到爸爸媽媽既聲音時，真係好窩心啊，爸媽別擔心啦，我地最後哩個地方真係好好呀。各父母，我地快會來了，請準備好靚湯及靚餸等我地呀！

Day3 - 十一月三日

今日好早做完野，食完野我地係到睇電影，之後出咗去跑步，跑完步我地去咗買幾樣野，但幾樣野都算係放肆食品，1) 2公升雪榚; 2) Cheddar Cheese; 3) 芝士蛋糕！之前哩三樣野我只係會食一樣，但依家三樣都食了，唯獨唔好既事係芝士食完我會胃痛，奶類野飲完食完我會拉肚子呢！

Day4 - 十一月四日

嘩！今日只係要做到10點半，全靠Joe幫阿頭維修好部Laptop，如果唔係我一定會係清潔中的Cabin死去！我估佢都係食哩行飯ga喇，佢過到黎都幫過另一個WWOOF Host維修電腦啊！

由於太早做完野，食過Lunch之後，我地開始諗我地四人行既行程，睇睇吓先知，原來我地哩個Park係屬於Big4集團呢！真係強！仲有十一日咋，我地可以同Samsam + Dick見面喇，好期待快d見到哩兩條賴蛇呀！

Day5 - 十一月五日

之前我地既工作大部份都係清潔房間，但阿頭話我地要做d戶外工作，如果唔係我地一定悶死，所以我地又做返老本行「除草」，今次哩d草真係易除好多，我地做咗四個鐘就咗晒Target part。另外，今日阿頭要親自出馬洗廁所，佢話因為今日Big4會派人黎比星，所以要打醒十二分精神，佢個頭馬Benny哥都要洗BBQ爐呀！我即刻同Joe講，唔知香港係唔係都會咁既呢？佢話應該全世界都係咁，不過我估... 我估日本唔係係咁掛！

做完野，天氣雖然唔係咁好，無咩陽光，但我地唔理照去游水，嘩！d水好凍，凍到我都唔想落水，但我身邊哩位魔鬼教練真係十級魔鬼，佢要我Keep住游，游呀，游！不過佢都係為我好既！我地跟住游水以及浸Spa，雖然後期有落雨，但係一凍一熱，爽死！

今日2個芬蘭wwoofer走喇，佢地話芬蘭真係好多福利，佢地其中一個個爸爸係做醫生，另一個個爸爸係做機師，所以佢地今次黎澳洲既機票係免費，但唔好既係芬蘭要交好多稅以及天氣太凍呢！

Day6 - 十一月六日

琴晚傾盆大雨，成晚d雨大到好似想浸咗間屋咁，點知瞓瞓吓覺仲聽到爆炸聲，隨後成間房僅有的光都冇埋，又有d燒焦味，所以成晚我都瞓得好差。

今朝起身仲係好大雨，見到Benny哥係到跑黎跑去，原來係因為成個Park所有地方都冇晒電，佢係到搵緊原兇，之後我地同佢講應該係我地門口個電箱做成，佢即時走去睇，一打開佢只係講咗一個”FUCK”字，我地睇睇真係焦晒，我心諗好彩我地無事咋！

亦由於太大雨佢叫我地今日day off，我地滿心歡喜返房再瞓過，點知瞓得一個鐘，佢由走黎拍我地門叫我地做半個鐘野，「頂」好難得先瞓著ga，一早又唔叫我地去做！！點知做做吓又做咗約2個鐘了...

做完之後仲有一個Bad News，就係我地要換房呀！佢話因為婚禮既人Book咗我地住緊果個Area，所以要我地轉走！我當然好唔開心啦，因為冇咗自已煮野食地方，又冇咗電視，又冇埋雙人床以及冇埋私人！越諗越唔開心！

Day7 - 十一月七日

係哩到做野真係好爽，今日又係做咗2個鐘，都係清潔結婚禮堂，真係易到暈。由於太早做完野喇，我地今日去咗跑馬路，果然有運動係唔同d… 唔同d意思係會... 食多d！哈哈 

聽日會有另一個來自法國既WWOOFER - Helene，「享」我估我可以學吓免費法文了。

Day8 - 十一月八日

今日我地受主管所托，我地會等Helene到，佢話Helene會坐巴士大約五點四十分到，點知... 外國交通真係好準時，佢坐果架巴士真係坐時到達，真係神奇！見到哩個女仔唔知點解個人好放心，一問之下原來佢係德人唔係法國人….我地個主管成日都分唔到咩人係黎自咩國家！真有趣！

由於等佢一個人佢又冇野食，所以我地今日炒豬肉飯預埋佢一齊食，叫我又諗起哩首歌... “You every SMILE,… you make a different”，香港人在澳洲，但好客之道保持不變，Cool!!第一次接觸德國人，哩位20歲既女仔都好善良，我地仲分享咗唔少德國野！

今日我地全日既主題都係關於德國，我地今日睇咗一套德國戲”The Piano”，之後遇到德國女仔，佢再介紹一吓德國，食完飯電視又講德國既事，真係咁好彩！

Day9 - 十一月九日

第一次同哩位20歲既女仔一齊做野，大家都好輕鬆，今日唔叫多野做，只係清潔咗10間細房，不過我主要係做跑手，走黎走去攞野，攞完哩樣攞果樣，佢地做野既Style好唔同，佢地唔會諗定要攞d咩，只係要咩就叫咩，全部野都會分開攞，10間房既野我就走咗7次左右。

做完野後我地一齊去咗游水，點知... 游游吓又有2個新德國WWOOFER，佢地睇黎唔多友善...不過大家都係坐同一條船，我估大家都可以相處到掛...

Day10 - 十一月十日

今日同妹妹兩個人一齊去清潔Green Cathedral我地用咗個半鐘就完成，完成今日既工作。完成工作前主管同我地講，聽日「又」要轉房喇，因為我地住緊果個地方被基督教團體包起咗... 不過今次轉房有好有唔好，好係因為我地upgrade去住貴房，有自己既廚房；自己既廁所，唔好既係我地要五個人住埋一齊... 本來係無問題既，但係唔知點解總係對另外兩個德國女仔有點不滿，可能我覺得佢地無禮貌，又或者係佢地個樣串串咁... 希望係屋到唔會發生不快既事啦！

由於今日妹妹想玩Kayak，所以我地Plan咗今日既活動就係玩哩樣野喇... 本來係五個人一齊玩，點知玩玩吓得番我地三個人，我地今次去到好遠呀…仲見到死咗既「白炸」添！

Day11 - 十一月十一日

今日又係做咗一陣野，之後我地就走咗去轉新屋喇... 五個人一齊住真係有一個好大問題，就係個雪櫃唔夠用！因為我地哩個Host佢實在買得太多野比我地食喇！仲有另一個問題係我地如果要用廁所就要排隊... 不過，總好過同其他人一齊share既~~

轉完房之後我地去咗Elizabeth Beach，果到好靚，又唔太大浪，我地一行三人一齊去咗果到撲浪，不論陽光、風，各樣都真係好正...

Day12 - 十一月十二日

今日，做咗三個鐘左右，而且今日係我第一次自己一個人同阿姐兩個人一齊去攻d大房，基本上內裡所有既房以都係我自己一個人做，今次亦都係全部人分散晒做野既一次...

放工去咗Tuncurry Black Head行行～

海邊泳池，正！

放工前阿姐叫我地仝體同人聽日一齊六點開工，因為天氣會太熱... 由於係咁今晚全部人都好早瞓晒，因為聽日五點要起身搶廁所啊！

Day13 - 十一月十三日

今朝六點開始做野，嘩！七個人做一間屋，真係閒到死咗！做野既時候，我聽到有人投訴德國女子，因為佢地做野好「拿西」！咁我都覺既！原本打算問吓佢地我同Joe可唔可以Full Day Work，點知Eve話我地兩個係到做野做得太好，太盡心喇，所以佢叫我地聽日唔好再做野！所以今日係最後一個工作天呢！

Day14 - 十一月十四日

最後一日係到，無啦啦諗起...「放我半天假... 若未太清醒再放半天假」 哈哈！全日都冇野做，只係係到食野，出去Forster海邊吸吓陽光~ 仲第一次見到咁大既菠蘿，wahahah :P

因為明早會凌晨2點離開，所以我地今晚要五點瞓覺！明天一早會返會Sydney機場接Dick + Sam，好興奮呀~~~