二o一二年十二月一日●我們的寶寶

二o一二年十二月一日

今日係二o一二年最後一個月既開始，亦即係寶寶六個月大了 :) 距離生產日大概仲有四個月，心情真係相當緊張！

唔知係咩原因... 有時會好強烈感受到寶寶既移動，有時又唔係好感覺到！當感覺到時我會很高興，感覺不到之時，我會相當怕。

昨天回家媽媽為我準備好一個進補療程.... 而我每朝早也會「空肚食早餐」，因為阿媽話空肚會好吸收。多謝爸爸媽媽。

係我有BB既呢段時間，我要相當感謝我的老公，他照顧得我相當周到... 事事都幫我。另外要多謝成日煲湯比我飲既奶奶以及我的爸爸媽媽。

寶寶，待你出世之時，你也要好好對待他們啊！

二o一二年十一月●我們的寶寶

二十週結構檢查後，醫生係我們臨離開醫務所時不忘提提我要側睡，不能再仰睡....
唔知主要原因係咩，醫生只係話仰睡小朋友吸收唔到好既營養.... 今日心血來潮所以去Yahoo冷知識到睇吓，原來原因係咁.......

孕婦要側睡比較好喔！這可是有醫學根據的～～

＊懷孕十二週以後，仍然以側睡為宜，不宜仰臥。側睡又以「左側」最好。

隨著妊娠月份增加，孕婦子宮不斷增大，後期更造成整個腰部幾乎被子宮所佔據，以致附近的組織器官受到擠壓，而且約有百分之八十的子宮會發生不同程度的右旋，從而使維繫子宮正常位置的韌帶和系膜，處於緊張狀態，系膜中對子宮提供營養的血管受到牽拉，使胎兒供血受阻，輕則造成胎兒慢性缺氧，嚴重的還會引起胎兒窘迫，甚至死亡。

在孕婦採取左側臥位後，就可減輕子宮的右旋，使韌帶和系膜得以鬆弛，繼而抒解子宮供血不足的問題，一方面又能避免增大的子宮壓迫到腹部主動脈，一旦動脈被壓，流到子宮的血液減少，就不利於胎兒的生長發育。

＊ 假若採取仰臥，則增大的子宮不僅會壓迫脊柱前的上腔靜脈，也會壓迫和下腔靜脈併行的腹主動脈，使子宮動脈的壓力隨之減少，從而影響子宮胎盤的灌流量，妨礙胎兒在子宮內的發育。同時因為下腔靜脈受壓，下肢靜脈隨之曲張，血液回流受阻，也會使孕婦出現胸悶、氣急，甚至浮腫、尿少等妊娠高血壓綜合症，所以睡覺還是以「左側臥位」最佳。


寶寶，即使側睡我有多辛苦，我也會記著側睡，仲要係「左側臥位」！我要你健健康康成長！

二o一二年十一月●我們的寶寶

二o一二年十一月

時間真係過得好快.... 轉眼間已經大仔個肚仔廿幾週喇，已經過咗懷孕既一大半時間!!

同時間亦係黃醫生到做了二十週結構產檢。寶寶健康，爸媽放心。不過，如同之前檢查一樣，我地都唔識睇醫生講既器官，只係識得睇d好表面既我已經覺得好興奮，更何況知道你健健康康呢!!

十一月十六日●返QE做產檢由早上8.45等到11點先有得睇！大住個肚既我冇晒耐性，簡直想殺人！！點解我交咗稅都有咁既待遇！點解睇9點45分果位阿太，睇完走埋我仲係到等!! 我問姑娘，佢話因為我係8:45果lot時間既第12位！我真係忍唔住話咗佢幾句！火燒心！我知動胎氣唔好但真係冇法子！

等到喇，入去見醫生睇咗冇2分鐘叫我走wor..!!!!! 佢仲問我你自己有冇搵私家醫生做檢查呀?如果有醫生話ok，咁就ok喇！我頂咁我返黎做咩呀!!!!!!!!!!真係好嬲！下次改到育嬰健康院檢查，唔知又要等幾耐呢！

二o一二年十月一日●我們的寶寶

二o一二年十月一日

一連幾日既假期好快就完喇 :'( 不過今日第一次大住個肚仔去同屋企人燒野食，不過由於大仔個肚，好多野屋企人都唔比我做，搞到我好尷尬同埋有d覺得自己冇咩用.....

BB，你第一次BBQ有咩感覺呢? 有冇食到爸爸不停做既食物呢？

二o一二年九月十四日●我們的小寶寶

二o一二年九月十四日

話咁快十幾週喇，不過呢幾日有點累，因為老爺再次入院！

由於，我唔係專業人士，所以只好有時間便探吓佢~~ 希望過一個星期佢生日可以一齊出院慶祝啦~

寶寶日後長大你也要愛鍚老人家們啊~

二o一二年八月二十一日●我們的竇竇

二O一二年八月二十一日

小寶寶，你要乖啊，媽媽每天都感到有點唔舒服，尤其胃部，但願你每天長大，我那不適的感覺會慢慢好過來。

今天上網看了一些資料，知道十週的你頭部，手仔開始長大，亦開始準備聽音樂，等待腦部成長中~

爸爸和我都期待你的來臨。

二o一二年八月十五日●我們的寶寶

二o一二年八月十五日

第二次聽到bb既心跳，第三次見到佢既外形，那種感覺難以形容。

雖然我既體重冇大既變化，但BB既外形長大了很多，上次見到身長只有0.5既寶寶，今次已經去到1.8喇！希望你快高長大，肥肥白白 :)

另外，今早一朝去排QE，咁好彩冇咩人排，唔駛15分鐘就搞定，走人。

好開始，好開始!

二o一二年八月一日 ● 我們的寶寶

二o一二年八月一日

今日到黃醫生到再double confirm寶寶已經有六週喇。今日見到佢係我個肚到，真係覺得生命好神奇。最奇係見到佢流緊既血以及心跳聲。

雖然未知寶寶係男定係女，但已經開始諗吓應該叫咩名.....

暫定2013年3月21日蛇寶寶會出世，期待你既來臨 ：)

二o一二年七月三十一日●我們的寶寶

二o一二年七月三十一日發覺個肚仔好漲，有d痛，終於忍住去咗睇醫生，搞咗一大輪，醫生話恭喜你...你有左呀!! 我成個人呆咗，既驚又喜。

出黎我即時打比老公，我話應該係made in Japan，點知佢誤會了，以為支棒係made in Japan，真係比佢激死 := ="

感謝天父賜我倆小寶寶，但願佢會健康成長。