Broken Hill, AUS

因為時間太多，所以將上次去澳洲Broken Hill既相變咗做Movie，哈哈~

Suddenly....

Suddenly.... so much....

missing my Chan's family....

missing my friendssssss ......

missing my Jessus .......................

will u all miss me too??

新年～

今年新年較為特別，因為我地去咗加拿大，唔係為咗避年而係２個仲係到躲懶中！

加拿大既中國新年氣氛唔算濃厚，因為全都被冬季奧運蓋過～不過冬季奧運真的好看呢！

祝所有人身體健康，龍精虎猛，財運亨通～

第一次‧不在港吃團年

識逢年三十晚快到，由於Jimmy年三十要返工，所以我們提前了做團年，第一次於加國吃團年...

今日亦是第一次現場睇奧運傳火炬呢！

貧與富

於加拿大時間多了，老是會想香港人係香港生存為了什麼呢？

樓價貴！空氣質素差！夜生活多！工作壓力大！為咩香港人要這樣呢？

這幾天看到龍生喜愛的西環新樓推出，但要成為業主一房一廳的價格已去到608萬，我在想當我們回到香港時要多做多少年工我們才能可以置業呢？

當我每次想起有錢人越來越「富」；窮人越來越「貧」時，我也不禁感嘆句，可悲可悲！

遊‧中國

二零一零年一月一日

正式踏入新的一年，感覺到每件事也萬象更新。

一月三日至五日
泰山之旅

送走咗阿蘭之後，我地正式開始我地既中國之旅。

我地既旅程本著少用錢既原則，我地坐十幾個鐘火車去到泰山一睹五嶽獨尊之美。點知去到時候得知「封山」消息，真係帶點失望，我倆本著體育精神由山下行到山巔，全程共6600級，一千五百多海拔，本想由一天門坐車到中天門，卻因太大雪而封山所以我地由一天門開始往上走， 走到「十八盤」天梯高懸，本想路應該差不多走完，但卻還未遇到南天門啊！很辛苦走到南天門即山巔之處，一覽眾山的感覺真的叫我很難忘。穿過南天門，在天街上漫步，山風浮動，寸步難行；當吃過午餐後，登上了最高峰玉皇頂，舉目四望，群山起伏，令人感受到「登泰山而小天下」之氣勢。由於山上真的太凍了，我們決定還是趁早下山找地方過一晚，由於雙腳太累的關係，我倆都變了「坦妃以及坦子」，不過我深信當中的喜悅也只有我倆才感受到呢！

此次泰山之行，仿佛就像在閱讀一本博大精深的教科書，耐人尋味。那泰山的一樹一石，一雪一水，一碑一字，一佛一香，都是那麼的令人難以忘懷，回味無窮...

一月六日至十一日
北京之旅

一連數天的北京之旅已經完成了，對北京的第一個感覺只有一個「凍」字！我地兩個到達北京時只有零下十六度，真的凍得把我的腳指變了紫色呢！

於北京逛遊了一般人必去的地方，包括頤和園+圓明園+鳥巢+水立坊+天安門廣場+故宮+王府井+東華門夜市+天壇+長城八達嶺+小王府+花家怡園等。北京真的很大，以故宮博物院為例，我們也花了一個早上觀賞，不過由於太冷以及太肚餓，我們都只是走馬看花！亦都因為北京天氣太冷所以遊客較少，我倆到過最商業化的長城 - 八達嶺也覺得很美呢！ 若你還記得我們在杭州被騙的小故事，我也可以在這裡說我們在北京也同樣遇到那些事！真的可悲，沒想到首都也會有同樣事情發生呢！

相當好食既花家怡園

頤和園+圓明園

鳥巢+水立坊

天壇

天安門廣場

故宮

長城八達嶺

一月十二日

今日聽到海地發生七級大地震，心想為什麼最可怕的事會於新的一年、新的第一個月發生呢？是的世界上真的每天、每分、每秒也會發生不同的不幸事，但為什麼...為什麼每一個災難都沒有人可以防範呢？為什麼每次大大少少的震撼事也會奪無數的家園、無數的人命呢？難到世界末日時代真的來臨嗎？

一月十六日

每晚睡覺前總會偷很少時間在床上向天主禱告，今天也不例外，因為今日看到海地的居民缺水缺糧，無法得到外界支援！我的心痛了起來一時間無法忍住自己的淚水。更難受的事有災民於瓦礫中尋找水源，亦要每餐靠黃泥土製作的餅充飢。看到這句我真的忍不住自己的眼淚，或許有人會笑我傻，但是…這些事真的令我覺得愛莫能助，再一次說句無能為力啊！只有祈盼主會聽到我的禱告幫幫那些災民、幫幫那些第三世界的人、幫幫那些真正要被受關注的人呢！

但想不到這場浩劫中，亦有小生命奇蹟地於地震後兩小時順利誕生。這算是好事還是什麼呢？

一月十七日

由於有一段很長的時間沒有返過聖堂，所以昨天主動問家姐可否跟她一同到基督教的主日崇拜。雖然基督教跟天主教的形式會有不同，但大家都是信同一個主，我信主也不會責怪我呢！

今次是我第一次參與基督教的崇拜，感覺不錯也有感動到我心靈的地方。觸動到我的心靈大多是由詩歌開始，有一首詩歌提及到「天離地何等的高、他的慈愛向敬畏他的人、也是何等的大。 東離西有多遠、他叫我們的過犯、離我們也有多遠。」的的確確主從不會跟我們斤斤計較，衪的慈愛真的叫世人不得不敬畏衪！有時會在想...

一月二十日
南京之旅

以來去匆匆來形容南京之旅是最貼切的，我們一行三人(Joe, Joe’s Sister and Me)一早出發到火車站，用了二個鐘多d d到達了南京站，本想走一趟玄武湖，但因為太大霧既關係，只係到湖邊看看便出發到南京大屠殺紀念館。南京大屠殺紀念館觀擴大了很多，資料亦相當齊備，即使Joe &家姐已經於多年前去過，但也感受到很新鮮呢！

的確於南京大屠殺紀念館的短短幾個鐘，真的帶給我一點沈重、一點傷悲，同時我亦對當時的日本人帶點憤怒，由館外播出的音樂以致館內播放的每一個片段都輕易觸動我對受害者之悲哀！同時亦對生存中的受害者致上萬二分的慰問！

一月二十一日至二十四日
西安之旅

昨晚坐飛機到達了西安，嘩... 真的不得不提我們坐的天津航空，價廉物美，估不到機票連稅RMB320已經包了晚餐，機新且乾淨。不過到了西安的Motel168感覺又真係差點，家姐因為覺得洗手間太穢，所以忍不住手自己洗得乾乾淨淨。

於西安我們只有時間遊玩東綫，到過華清池+兵馬俑+夜市+城牆+大雁塔+大唐芺蓉園門外+博物館等。這些地方都叫我大開眼界，尤其叫到兵馬俑呢！不過提提大家，到西安前必須重溫中國歷史，否則只會感到白走一趟啊！

華清池，帶給我上中國歷史的感覺~

兵馬俑，相當壯觀~

一月二十五日

個幾月的旅程快完結了，家姐今日特意帶我們去食日本放題，沒想到日本放題是這麼高質素，只需RMB250就食到你飽飽。同樣上一次Joe帶我食的大漁鐵板燒也只需RMB150食到你飽，食到你唔想再食一樣！食... 香港價錢真的不夠內地平呢！

一月二十七日

個多月的旅程完結了，對於中國為了迎世博而四周都貼上「講文明」的標貼真的摸不著頭腦！所謂既講文明又真的有多少人做到呢？那些沒排隊唔守秩序、隨地吐啖、隨街小便以及不欺騙人等的文化又何時才能改過來呢？每次看到「講文明」哩幾字時，我也忍不住冷笑起來呢！

今日要返香港了，七日後再次出發~~ 多謝大家姐一家對我倆幾個月來的照顧！

跨年遊‧中國

十二月十日
上海之旅

今日要出發到上海，點知5點幾突然間好唔舒服，好想好想嘔... 到老公起身時才發現我在發燒中，好辛苦啊！但冇理由放棄唔去旅行嘛，所以捱過去！

發燒過關好似做了些什麼唔見得光既事，因為好怕被人發現，被人趕出境... 當然我好好彩過完一關又一關，到了最後一關，要係飛機渡過3個鐘，真係好難頂！想嘔又唔好意思，想問人攞藥又怕被人問三問四，好難過才捱得住三個鐘的「長途」機程呢！好在，到了機場家姐來接機，好快就回到家，否則我必在途中撐不過去！

亦都因為有人照顧的關係，我一早吃過藥便早早休息了！多謝家姐的照顧。

十二月十一日

由於昨晚出了一身大汗，整個人一早起床時已覺得好好了，雖然Keep住都有頭痛。不過我估多飲杯水會好好多啊！每次病都好似要同死神拼命，好辛苦，有時候都唔明白點解要有病痛出現，不過我既病痛又點可以同當年耶穌受難既痛來比較呢！

去旅行真係要分秒必爭，即使病住都要出外走一走，今日家姐帶了我們食大茴香越南粉以及行了家樂福商場，可能係我個人還未復原，所以我... 我今日食完野好想嘔返出來，同埋行家樂福商場時引發唔到我既購物慾呢！

之後，老公帶了我去除家匯區，嘩！真係好多人，好五光十色啊！

十二月十二日

今日星期六最啱係一家大細一齊出去飲茶，上海食野真係好平，好好食既野都好平，真係抵。

今晚原本去食「水車牛」，但係我地真係唔太好彩... 我地叫咗海南雞飯... 冇，叉燒飯... 冇，喇沙... 冇！！真係要咩冇咩，我地唯有轉去另一個地方食，Pizza。雖然食物唔稱得上好味，但係平得好過份！全枱食物最貴係個Pizza，講緊都係20蚊人民幣，真係抵！

回程時落雨呀，聽聞未來的一星期會...降至零下幾度，希望，我唔會凍親啦...

十二月十三日

星期日... 成屋人除咗姐夫之外，全部人都瞓到十二點幾，簡直係一起身無咗半日。之後我地去咗時代廣場附近食茶餐廳，經過咗外灘，見到現時上海暫時最高既建築物。

之後小朋友就去咗玩波波池，大人就去咗一間名叫迪卡濃專買戶外用品既公司逛。果到d野唔係件件貨品都平，但係比起香港就真係平少少！雖然話唔係件件都好抵，但總會好容易搵到平價區。我地哩d唔捨得用錢既都買到野，就證明真係抵啦！

今晚食衡山小館，又係一間好食、抵食、超乾淨既餐廳。

食過飯，返到屋企家姐介紹我地睇「Full House‧浪漫滿屋」，其實哩部劇早已係香港播過，不過我一集都未睇過，難得今次可以咁多人一齊睇，我當然唔會放過哩個大好機會啦！仲有睇完我先知原來個男主角就係阿Rain!!

十二月十四日

真係過份，今日我地起身時又係十二點幾！無計啦，鬼叫我地尋晚一次過睇咗五集咩 =.=，睇完既時候已經係凌晨四點幾喇。雖然個劇故事簡單，但真係好好笑。

今日係屋企食完午飯，我同老公去咗「上海集散旅遊中心」。果到係一個平價既旅遊中心，我地見到由上海出發去烏鎮，都只不過係百幾蚊一個人，真係抵ga！佢包咗來回程車票以及入場券。所以我地黎緊幾日會搵個機會去下哩d地方。除此之外，今日我地仲去咗上海IKEA，嘩！真係大到你唔信。

今晚會繼續睇Full House，不過唔會睇太多，因為明天要早起身同老公個表妹去食Lunch。

十二月十五日

今日係Ryan係學校表演，我地會合了表妹Julie後便一同到了Ryan學校。嘩！我今天才明白到為什麼國際學校的收費會是如此貴！大概離不開校園的活動範圍以及師資吧！今天進入這間學校禮堂時，我誤以為自己走進了香港大會堂呢！

十二月十六日

今日全日大部份時間都係處於Hea既狀態，只有做了一件較有用的事，就是為明天的旅遊買門票呢！

十二月十七日
周莊一日遊

尋日係「上海集散旅遊中心」買了車票，今朝一早起身趕車到集散區會合表妹一齊到，中國第一水鄉，周莊一日遊。很多人說周莊沒有以前般漂亮，因為這個水鄉都變得相當商業化，雖然我也感受到，但... 對我這個過客來說，這個地方真的很美，只是人太多吧！

十二月十九日
蘇州一日遊

『蘇州一日遊』- 今日同家姐一家以及表妹一同到蘇州遊覽，見識到山水花木景的園林「留園」，以及吳中第一名勝「虎丘」，第一次近距離睇斜塔，確是有不同感受。

十二月二十日

今日食東北人，諗都諗唔到原來東北人既菜係充滿咁多色彩！而今日其中一道菜係食羊腿，嘩果條腿真係好長呀！好可惜我唔食羊呢！

十二月二十一日

今日一次過到訪了步行街、城隍廟、田子坊以及新天地，真係累透，因為我地又係本住唔用錢既大原則，幾乎全部目的地我地都係步行而至... 哈哈~返到屋企家姐問我地後日出發去廈門有冇問題，我地哩D閒人當然冇問題啦！

當姐夫報名訂機票時因為發音唔準... 我個名被改為「錢桂靈」，真係差點上唔到機呀！

十二月二十三至二十八日
廈門之旅

二十三日那天一早出發坐飛機，好衰唔衰大陸機keep住係機內sell野，搞到D人全部都瞓唔到搞，大陸人真係好識做生意呢！ 落機對廈門第一個印象就係...好鬼熱~~

一連幾日既廈門之旅完結了，去過鼓浪屿、去過土樓、去過中山路環島遊，又再一次係短短幾日睇咗好多好新鮮既事。

最印象深刻應該係土樓這個地方，土樓樓高3至5層，佔地約200平方米者居多，通常一座土樓內居住多達數百人口，有的土樓內擁有的房間多達328間，為一龐大的家族所共同居住。這種群居方式，使土樓建築成為一座具有防禦功能的小城。土樓外觀呈多種不同的造型，有方形、圓形、多角形等不同形狀，還有內環、外環等多種建築形式，內設有廳堂、糧倉、水井和臥室等。土樓的建築形式，使其具有安全防衛、冬暖夏涼和防風抗震的功能。

廈門我地住既溫泉酒店，相當高質素！

中山路環島遊，踩住單車咁遊！

鼓浪屿，可能係聖誕節既關係，呢個地方相當熱鬧！

十二月二十九日

阿蘭终於黎到上海了，因為佢... 我付出了第一次搭磁浮既好時光，磁浮真係好快，不過去唔到300km就好似有被騙的感覺呢！佢第一日黎到，我都冇比時間佢休息，馬不停蹄就帶佢出去四周觀光了。

最開心就係我地一齊好有藝術氣質咁去咗上海藝術館~

十二月三十日
杭州之旅

今朝晨咁早向杭州出發，雖然好凍，但係為咗去欣賞印象西湖一面，幾辛苦都要去睇睇既。

一出火車站... 已經有數十名人士黎叫你租車!!我地緊係唔租啦，唔理佢地，佢地都會一直跟住你，跟到你去巴士站!去到巴士站等緊車既時候，會突然有d好心人士想教你去西湖，但其實個d人都係假好心，最終目的都係想「坤」你錢!唔好以為你上車問個巴士司機點去，佢就會答你，你錯啦!!佢地會扮聽唔到，唔會理你!!當你上左車，以為無事既時候，又會唔知係邊度走出一個好心人士，想教你點去，佢會同你講只係想幫你，但其實佢都係個d想「坤」你錢o既人!!!



當你平安去到西湖，又唔好以為真的百分百安全，你估都估唔到，原來真係無好心人!!我地行左西湖行左大約四分一既時候(諗緊行邊邊既時候)，有位好心女士，自稱係某個園既管理員，介紹我地點玩係最好，原本我地係想去[雷峰塔]，但係個位女士就話去雷峰塔就要等日落既時候去，個個時候睇係最靚，但係我地問個陣只不過係中午，所以佢就介紹我地去一個叫[九溪]既地方睇瀑布，睇完瀑布就可以行去d農民地方飲杭州出名既龍井茶，佢又會同你講...農民個d龍井係最正宗既，出面街買既都係假既，同埋會好貴，佢又會同你講唔買都得架，咪去飲下龍井茶囉...咁我就問佢我地點搭車去，佢會非常之好心咁教你... 首先坐x號巴士去到終站，然後就要坐d叫"麵包車"既小型貨車上去睇瀑布(因為行要行好遠)，然後就要自行一段路去一條村(去飲龍井)，之後個度就會有巴士可以去返西湖，咁就剛好去雷峰塔睇日落啦!!

咁我地就相信佢去坐巴士，係巴士上... 又會突然有位好心人士同我地傾計，介紹杭州名勝，原來佢係個d開「麵包車」既人!去到終站，我地就坐左「麵包車」上去睇瀑布，坐左唔夠幾分鐘就到喇!!條瀑布只不過係d小瀑布，不過個湖就好清好靚既!!睇完瀑布，我地就沿路去農民既地方(因為其實只不過你得一條路)，行下行下，我地見到間寺廟就停底影下相，突然間又會唔知邊度走出個亞嬸同我地講，問我地係咪要飲茶，係就要繼續向前行，佢話呢度無得茶飲架!!!(真係好奇怪)咁我地就一直向前行，行下行下，見到三個人(兩女一男既香港人)，不停向我地示意叫我地返轉頭唔好各前行，咁我地就行埋去問咩事啦，原來前面係真係有條村，不過就無路向前行架啦，都無咩巴士出返去，所以我地就跟個幾個香港有緣人返轉頭，即刻就有人係後面大叫...同我地講行個邊先岩!!

原來佢地最終既目的就係要我地去個條村，俾佢地屈我地買龍井茶，亦都唔係有咩巴士可以去返西湖，最後就係要自己步行返出去...去返原本我地落車既巴士終站，白白浪費了好幾個小時!!!

我地同返個幾個有緣人傾返，相信大家都係係同一個地點，俾同一班人用同一手法被「坤」!!最恐怖既就係... 我相信佢地係同一集團or係同一條村既人，佢地會分佈係不同既地方，其實佢地會有唔同既人係唔同既地方監視住我地!!諗起都恐怖!好彩撞到個幾位真係好心既香港人!!如果唔係都唔知發生咩事!!!

搞完一大輪都要食野，今晚食吓街頭美食！

十二月三十一日

倒數... 回顧每年世界大事總會找到不愉快的新聞，唯盼望新的一年世界各地有新的開始，祝願世界和平。

很高興的今年倒數有阿蘭、有老公、有屋企人，仲有Arron Kwok一齊渡過。老公仲同姐夫一齊放「孔明燈」祝願大家身體健康 :)