黃石公園之旅 (Day 3)

September 9, 2010

是日行程：Yellowstone National Park

坐咗兩日車，終於、終於到達黃石公園北拱門了，實在太感動喇！

雖然天氣唔係太好，但一點也無阻礙我地遊覽黃石公園既心情！而黃石公園既主要道路都是以"8"的形狀貫穿，所以今日我地主要玩Upper Loop(上8)。

黃石公園真係好大，要計劃公園內既行程，不妨用吓佢地個互動地圖，都幾有用！
http://www.nps.gov/archive/yell/interactivemap/index.htm

Mammoth Hot Springs > Canyon > Norris Junction，就係我地今日既行程，係咪講完都唔知我去咗邊呢？咁不如睇睇相啦 :)

係Mammoth Hot Springs既入口前方，會先見到呢個Liberty Cap，佢大約有11米高。

Mammoth Hot Springs，噴泉區。天色唔係太好，但好好彩都叫影到D靚景。

睇完Mammoth Hot Springs之後，我地就去咗睇Canyon景，Canyon基本上有會有份Upper Canyon以及Lower Canyon，不過佢個景實在太廣闊喇，我所睇到既同我所見到既根本係兩回事！

睇過Canyon便來到今天最後一個景點，Norris Geyser Basin。哩個景點你會吸入好濃既流黃味，我諗唔係每一個人都能接受呢種咁難聞既味。到達哩個景點時天氣已經變得很凍，幸好噴出來既蒸汽是暖暖的，我搵咗一個噴蒸汽噴得相當大既噴泉口前取暖！估唔到係我最Enjoy既一刻個天落出雨來，仲越落越大，搞到我地要折返！

這夜整晚也下著雨，回Buck's T4前，我們到了黃石公園西邊既市鎮食中國餐。

黃石公園之旅 (Day 2)

September 8, 2010

是日旅程：Coeur d'Alene, Idaho > Missoula, Montana > Bozeman

今早第一個目的地係Coeur d'Alene, Idaho (愛達華州)，哩個地方有一條全世界最長既行人浮橋，去到既時候雖然天氣唔係太晴朗，但係呢條浮橋都真係幾壯觀！

10:30又準時開車到Missoula, Montana (蒙坦拿州)，此為美國最大的州之一，亦係一個免稅天堂。今日既午餐都係哩到享用，是日午餐食咗一個日本餐，哩到既日本餐又貴，又唔太好食~如果唔係同老爺奶奶一齊，我估我地都唔會食日本野！

食完野之後我地係哩個免稅天堂買咗部全新既iPod Touch4！(以我同龍生既性格，一睇就知唔係我地買啦！無錯我地係幫人買ga ja) 嘩！原來今日係美國第一日出售哩部機呀！連售貨員都話未見過，大開眼界！

事實上，個螢光幕真係好靚！

今日因為要趕路，所以都無咩景點，晚上終於趕到了Bozeman，今晚入住Ramada，哩間酒店相當乾淨，格錢合理，值得一住。

黃石公園之旅 (Day 1)

September 7, 2010

計劃咗好幾個星期同老爺奶奶一齊出遊黃石之旅終於出發了！

是日旅程：Vancouver > Seattle > Moses Lake > Spokane

今早7點係溫哥華開車，去到西雅圖入境，搞吓搞吓過關都差不多用咗一個鐘。其實由溫哥華到黃石公園可稱得上是一件長征之戰，要同老爺奶奶一齊行咁長既路真的有點擔心。不過，今日全日既行程、時間全部都係預算之內，所以一齊都相當順利。

過了美國海關後，我地第一個景點係睇Wild Horses，係Wild Horses上遠望四周既景色實是優美。唔知你地有冇留意到Wild Horses附近既草木，坦白講枯枝既美係特別吸引我，係我欣賞緊之時，奶奶突然爆笑咁話... 「嘩！棵棵枯 (paul paul枯)，一睇就知呢到太乾啦！」聽完之後，我同老公笑到停唔到口，因為我地只係諗起「波波夫」嘛！

沿路還見到不少風車啊！

過了不久，便到達今天既第二個景點Moses Lake(摩西湖)，我地既車停係Best Western酒店旁邊，小休看看湖景。聽聞呢個湖為當地印第安人敬奉既神湖，皆因摩西湖的湖水係會神奇咁消失。

小休過後續東行約二小時到華盛頓州第二大城Spokane(史樸堅)。好多人去到Spokene都係參觀Water Front Park(1974 年博覽會會址)，不過我地無去到，我地去咗睇Falls以及行Monroe Street Bridge。

無諗過Spokane既呢一個瀑布會咁靚，簡直覺得佢就係黃石公園既前奏！

行完之後，我地去咗Hong Kong Express(香港快餐)食晚飯。可能我地係中國人既關係，老闆娘相當關照我地，又送湯，又送生果，食到我地非常飽，然後返回FairBridge Inn。

九月‧時光飛逝

翻開自己既記事簿方知道9月份已經到了尾升了，呢段日子... 日日都過得好快，而且日日都好似要同時間徑賽一樣！

9月1日至9月6日 (老爺奶奶到達溫哥華)

老爺奶奶到達溫哥華後既每一日生活都非常忙碌，因為幾乎晚晚都要煮「九大簋 - 海鮮宴」。

老爺既生日宴，數數吓... 都有成廿人同老爺「慶生」！

大家睇吓，個蛋糕係由師傅指點下，經我親手完成！

除咗食之外，我地都有去遊山玩水啊！

今次老爺奶奶會留係溫哥華一個月，所以我地都計劃好跟2老一同到「黃石公園」遊玩... 遊玩，希望佢地好好享受啦！

幸福的‧2個家

自我懂事以來，我已經明白到親情係一件多麼可貴既事。與家人和睦相處時，我會容易、簡單地感到快樂。

離開了香港好一陣子，總會覺得欠缺了很多東西，但眾多事件當中欠缺最多的莫過於親情了。我時時都會向老公提及到我相當掛念我的家人，有時候講起都會無端端的落下淚來。有時候，老公會笑我，笑我是個長大不的小孩子！有時候，他懶得理我，哈哈！沒法子啦，我太愛我的家吧！「一家人」能成為「一家人」真是一件很奇妙之事！我家只屬一個小家庭，只有爸爸、媽媽、哥哥和我，所以我對他們每一個也算不錯。對嘛？爸爸媽媽。

由嫁給我老公開始，我既人生便多了老爺、奶奶以及2位家姐，1位哥哥了！從來沒想過要於這新的家要扮演什麼角色，只是想要對老公好，也要對他的家人好！坦白講老公以前跟家人並不多聯絡，直到我既出現，直到我時常在他身旁唯唯諾諾，他已經改變了很多了。

早於一星期前，我的老爺進了醫院，我倆在外地不能出手相助，只有擔憂，唯一可以做的就是在遠遠的地方為他祈禱。我知老公是擔心阿爸既，不過，男人好多事都會放係心唔會講出口，所以我做了一個「八婆」既角色，每一天和他家人保持緊密既聯繫，這亦是我首次和老公家人有如此緊密既聯絡呢？我不知道這樣做會否打擾他人，但... 至少做好自已本份。

我要感謝2個家，因為你們都賜給我一個溫馨呢！

老公放心吧，萬大事都有我作你既後盾，一日有我既存在你都不會孤單，也不會寂寞~ 祝我倆會互相扶持到老。

Movie Night

今晚係Confederation Park有室外小電影睇，食飽飽後便出發。本來係8點半放映，但因為天唔夠黑既關係，所以等到差不多9點才放映。 

由Chevron呈獻既"How to train your Dargon!"

估唔到會有咁多人一齊睇，不過可惜，個Screen唔夠光，以及晚上天氣太凍喇，所以我睇到中場便走了。現場可見... 好多人都好醒咁帶定「被」來觀賞的。

覓食~

August 24, 2010

今朝早早就收到Starbucks寄來既免費咖啡Coupon，真高興。

另外，我倆今晚出外撐枱腳，本來想食哩間意粉屋，但估唔到佢日日都咁鬼多人排隊，所以我地放棄了，最終都係食返越南河！

沿路上一間蔬果店既蕃茄，真係相當大，差點就大過老公隻手！

每次去到哩間店，我都一定會食哩碗酸辣湯河，但每況愈下，我承諾下次再去哩間店食野的話我會轉轉口味！

Homemade Cake

August 23, 2010

今早起床時見到報章報導香港康泰旅遊團被劫持，一時間整個溫哥華華人電台都廣播這事，估不到至到晚上既報導竟然轉來做成多人死亡，心情突然變得重了！旅行本來係件開開心心既事，點解會變得如此傷心？邊看著報導，邊憤怒，邊含著淚... 這種感覺多痛苦，但相比受害者家人我呢D痛又算係咩呢？願主帶領亡者走到你跟前去。亦因為世事無常，請大家珍惜眼前人+及時行樂！

另外，今日阿愛教我整了這個茶葉味雪芳蛋糕，感覺係重溫緊當年學整蛋糕的課堂呢！

我想食的‧都食到了

August 22, 2010

現為舊曆七月，所以我地今日去咗拜阿麻阿爺，今日天色相當要好，一入到佛寺就見到好靚既蓮花。

蓮花雖然開始凋謝，但還是依然美麗。

蓮花雖小，但原來佢既葉係咁大咁圓既！

哩D唔知會唔會係我地食既蓮子呢？

除咗拜阿麻阿爺既一刻我停下來誠心祈禱外，別的時間都是在欣賞佛寺內的景色。

離開寺院後，我地去到Richmond既Kingspark食午餐，嘩~ 我終於食到我想食既野，以及飲咗一杯好耐無飲過既... 「好好好立克，好好營養高」。