ALL about JM: June 2010

Wednesday, June 30, 2010

Arequipa‧秘魯的第二大城巿

June 2, 2010 (Day 5)

Arequipa是秘魯的第二大城巿，大約位於海拔2,325米的安第斯山脈地帶。

坐Cruz Del Sur到達Arequipa既時間比原定的遲了一個鐘，搞到Hostel接我地個位美少女久等，真過意唔去！Arequipa稱得上是一個潔淨的城市，不過有一些地方較為商業化。

其實去秘魯既每一個地方都必定會有佢既鄰近地方值得觀光，今次去到Arequipa當然要去埋Colca Canyon啦，聽說這是世界上最深的Colca 峽谷，係Hostel問完價都嚇咗一跳，因為要成S/.85一個人，但係之前俄羅斯夫婦同我地講過唔應該貴過S/.80，所以我地決定出去搵團，而搵既都係Footprint推介的，最後幫襯了Colca Trek，輕易地講價，最終以S/.70成交，明早七點半係Hostel等接送。

報完名後老公話要去嘆Coffee，所以我地又去咗Footprint推介既Café Shop，秘魯人飲架啡好特別，因為佢地係唔會落Cream or Milk，如果要加就要貴d啦，但老公為咗過吓口隱，所以佢都係飲「齋啡」算數。

唔知係咩原因，即使每一個地方都爛融融，佢地既廣場都好優美，保存得最好既！廣場不時都會有好多人，什至有好多白鴿。今晚仲遇到有人示威添！

今日食咗2餐，2餐都很不錯。

Lunch

Dinner Q咁大碟既炒飯 + 意粉，食完S/. 8.5 (約港幣$25.5)抵到笑。

解不開的「謎」‧Nazca Lines

June 1, 2010 (Day 4)

今早天宮不做美，七點幾出發天蓋上一層大霧，幸好可以改行程，所以我地先去睇露天木乃伊(Chauchilla Cemetery)之後再返回睇Nazca Lines，同行仲有2位俄羅斯人，起初睇露天木乃伊帶點心寒，但睇多2個就開始諗呢d木乃伊係唔係真既呢？同行既俄羅斯人仲攞起d骨頭係到玩，真搞笑！用咗個幾鐘睇完就去睇個團附帶既製金過程及製陶瓷過程，但係呢d環節好"流"，只係想你買野，我地每個地方都唔知有冇逗留多過20分鐘就去到附近既機場了。

露天木乃伊(Chauchilla Cemetery) + Pottery

位於秘魯的利馬南方275英哩處，有一個叫Nazca的小鎮。這個小鎮位於阿他加馬沙漠北端一個荒蕪的平原上。Nazca Lines成為該地區獨一無二的地方，在極度乾燥的沙漠上，有如蜘蛛網般的線條及縱橫交錯的圖形。不過究竟Nazca Lines既起源以及沙漠上的圖形對科學家及一般民眾一直都成為一個「謎」。直到今日，Nazca Lines依然係一個充滿神秘的古代文明遺跡。

由於小型飛機在空中轉彎時會輕則45度，先向左邊則，突然間又會向右邊則，雖然整個飛行時間只得30分鐘，但跟我們坐同一架機的Columbia先生忍不住嘔了出來，可能同暈機浪有關！(對於有關暈機浪的恐怖說法早已在網上看過，原來...原來真係會有人嘔架！) 同時間，我地要聽從飛機司的指揮去「追蹤」有關的圖案，很多時當你認清了實物卻又來不及拍下來… 這總算是忙了30分鐘呢！　

可能我地係中午時份睇Nazca Lines，所以好d線唔係睇得太清楚。唉！睇呢d野真係好講運氣~

一連兩日係Nazca我地有3餐都係係呢間Los Angles到享用，價錢超值、食物質素高、老闆和藹親切！有機會到Nazca既你都請必去試試！

今晚搭夜車到Arequipa，希望有覺好瞓啦！

P.S.: 導遊曾經講過Nazca呢個地方一年只係落幾個鐘頭雨，所以四周都塵土飛揚，唔怪得知我地個「鼻哥窿」都咁多... :D

走進Nazca，向「謎」進發！

May 31, 2010 (Day 3)

早一晚我地請咗Hostel幫我地叫的士送我地去Cruz Del Sur巴士站，點知六點四十分都未夠司機就到咗等我地！其實我地住既地方去巴士站唔算太遠，本想慳埋d錢，但為了治安問題以及行理過多而導致各種問題…所以錢都係唔慳得既！

去到巴士站感覺到佢地既規模，Cruz Del Sur果然係秘魯巴士界名不虛傳既名牌子!!!

沿途見到秘魯的安第斯山脈，毫無疑問這片是我見過最美的山脈。下午2點幾終於到步了，嘩！一落車只係見到"(何來)塵埃飛舞"[hehee]，長時間住係Nazca好易變成肺癆！有相為正架，佢地D路好爛，D小販同時間係爛路上賣食物，若你在此...你敢食嘛?

去到巴士站先打電話叫Hostel既人黎接我地，佢地都好快手5分鐘左右已經同我地會合，今次住既Walkon Inn Hostel個樣都唔差，但係…唔叫理想！

去到Nazca當然主打係睇Nazca Lines啦，仲要帶住「迷」既心態到達以及等待觀賞，本身係Hostel有得報名參加Nazca Lines團，而且價錢都叫合理，但因為想睇吓自己係出面報團會唔會平d既原固，所以我地尊登揀咗同我地住果間Hostel聯營既Nazca Lines團格價，本身佢個價錢同Hostel一樣，店主(PePe)仲話個價好合理，又比咗本世界各地遊客寫比佢地既評語記念冊比我地睇，誰知我地發現2009年4月有香港人去過呢個團只需US$56，仲提醒香港人要講價，於是龍生咬實店主唔放，不停同佢討價還價，最終由本來既US$60降價至US$55，佢仲叫我地千萬唔好同人講佢比咗個咁好既價格我地！其實講到口水都乾埋先每人平得US$5！不過都叫好過無！我地仲用咗S/. 30參加埋Chauchilla Cemetery (露天木乃伊)，Gold Process (製金過程) 及Pottery (製陶瓷)等，實行黎個一日遊~

休息日 in Lima

May 30, 2010 (Day 2)

係機場瞓咗一晚，一離開機場係秘魯吸既第一口氣係...污濁以及帶點冷！跟日本叔叔一齊搭的士，佢2個男人不停同D的士大哥討價還價，因為我地知道由機場到Hostel係唔會超過US$15，而D的士大哥獅子開大口咁話要收US$50先可以到達目的地，好彩最後搵到一個伯伯車我地，仲係係Budget之內。我地架車開咗無耐見到發生嚴重交通意外。希望佢地平安無事啦！講返日本叔叔佢已經係第N次黎秘魯ga 喇，佢係一位好叻既日本人，因為佢識得日文以外，佢仲可以講到英文及西班牙話，所以一路上佢同的士伯伯係可以溝通到既~

我地住既區係Miraflores區，係旅遊書提及既安全區，綜合網上或書本既意見，係秘魯唔多合適去夜街，加上呢區既治安較好呢！當去到Hostel門口無人應門時大家還害怕是到了某人家屋前！司機伯伯買力地幫我們打電話聯絡Hostel既職員，等了等，原來時我們太早職員在內睡覺中呢！當司機伯伯走的時候，竟走來跟我們說要收回電話費，怪不得他如此買力了！

由於昨晚休息得唔夠，所以我地決定今日係Lima黎一個休息日。瞓醒既第一餐就去到廣場附近既一間餐廳食，我地分別叫咗唔同既三文治，二個三文治都好食，我叫果個三文治仲帶點深度呢！

食完之後見到個Information Center走去問問有關搭去Nazca - Cruz Del Sur(巴士)既資料，本來我地打算自己上網Book，但係個網話聽日已經滿咗，係心有不甘的情況下只好尋求協助，果然外人做唔到既野佢地做到！仲有呀Information Center2個年青的職員見我地一句西班牙都唔識，佢地都忍唔住教我地D簡單生字，多謝佢地教我地一D西班牙語旁身，不過，好多”R”音我都發唔到，不過...我估十個有九個香港人都未必會發到！最緊要學到打招呼既"Hola,¿Cómo está?"、"Gracias"、"Chau"、"La Cventa"、"¡buenos días!"、 "Bano"等！

今晚晚餐係每人2個秘魯日清牌公仔麵，以及於Casa Rodas Hostel內職員個女閒談，多清閒的一天呢！明天要六點幾起身搭巴士喇，所以今晚會早d休息！

結束美國之旅‧感想篇

今次美國東部之旅就係熱辣辣既情況下結束。

由Florida出發，Orlando-Washington DC-Philadelphia-New York-Boston-Quebec-Montreal- Ottawa-Toronoto-Buffalo，最後於Miami為終點。雖然有些地方可能玩得唔夠深入，但作為旅客式到訪已經好足夠了。

係旅程當中每日最辛苦既就係要諗食咩，但係我地身上又可以食得D咩呢??麥記係首當其衝會食既野，基乎每餐都食Dollar Menu，有時候幸運的話可以食食Taco Bell、Wendy's，但最開心既莫過於那次於Miami食Church's Chicken！人家會問日日都食Fast Food你地唔辛苦咩?又無營養，但我倆已不在乎了，因為要以「慳」為大前題呢！

而美國有D住宿(大城市)較為昂貴，統計一番...我地留左係東部約三個星期，我地足足有七日係瞓車，難聽D難睇D都要講，由於我地太長時間係車內，所以架車充滿了我地既...「味道」!!自己聞到都覺得....

感謝老公三番四次問我要唔要到Orlando既Disneyland + Universal Studios，坦白講真係無興趣！非常感謝於東岸我所遇到既人和事，特別多謝姑姐一家！

Boston - 雖然係Boston我吸收不到那書卷氣味，但我還是喜歡那裡的建築物，很有歐陸色彩！

Quebec - 於我未去過法國既情況之下，我最愛Quebec, Canada，那裡處處充滿法國氣味，尤其那些色彩繽紛既建築物，以及那些充滿歷史既城堡！

Saturday, June 26, 2010

Miami > Lima, Peru (轉呀轉。。頭都大埋)

May 29, 2010 (Day 1)

出發前我地係Miami M記挑戰50件麥樂雞，嘩，50件唔係講玩ga!!!

到咗機場喇～

呢間Flight既工作人員工作態度應真差!!首先當客人上機時佢地唔會幫手只顧自已傾計；計而有個空中小姐係到用手指"撩"牙，再計而抺係你坐位既頭枕位上；仲有呀，佢地派飛機餐時唔比選擇你，只係比牛肉餐你食，但結果...我見到位空姐坐係我隔離食雞wor，頂!!；未數完，佢地成日坐係個位到傾計，就算有人"打燈"佢地都係遲一遲先走埋去；最後，當我偷影佢食緊雞飯時...果位少爺叫我唔好偷影佢，我呢D咁又品既人又點會理佢呢!!!