我的美麗‧面膜

一大清早9點未到，有人大大力咁拍打大門，其實當時全世界仲係到瞓緊覺，聽到如此大力既拍門聲，全世界都係房衝出來，我既反應較快，一衝便衝到大門去！由防盜眼看出去跟本什麼都沒有，只見屋內既地下上有一堆信件。待老公走到來的時候開門一看... 原來收到一個包裹，收件人係我，寄件者係我既超級好朋友，Cathy YUEN！

雖然還未睡醒，但都忍唔住先要拆拆封，一打開，嘩！嘩！嘩！好感動呀！！

我的美麗‧面膜

無錯，眼前所見到的就係2大盒加數包散裝兼且有埋尊人講解既「我的美麗‧面膜」！太感動喇！


記不起這些物品係香港買大約要多少錢，但加拿大這邊一盒呢個品牌既面膜都要成CAD13.xx + 12% 合併銷售稅(Harmonized Sales Tax, HST)，計埋計埋都幾「那利」！

再一次多謝我既超級好朋友阿蘭，唔講咁多喇，要去敷返個靚面膜先~ 

沙畫

越來越愛沙畫這項藝術，今早起來看到細嬸發過來的耶穌受難、死亡、復活之沙畫電郵，真的很優美，加上背景音樂，我彷似在重溫耶穌的故事一樣！

快來一齊看看吧！

Friendship = Forever?

不在香港的日子，閒時也會很掛念我的家人，我的朋友！今日我又突然想到「友誼」 = 「永固」這個問題！

還記得若干年前在紀念冊上，用稚氣筆跡寫上「友誼永固」，"Friendship Forever"的字句嘛?

- 記住M，記住E，記住M & E，記住ME！ (又會有多少人記得"me"呢?)

- 萬里長城長又長，我倆友誼比它長。 (邊會有咁老套ga...)

- 今天相聚後，前移各自奔，他朝相聚時，勿作過路人。(人大咗樣都唔同咗啦，變成過路人又有幾奇呢?)

- 開開心心Say Goodbye，其實個心Want to Cry，各奔前程Fly & Fly，我倆友誼Never Die！(細個時最鐘意呢句，諗真D... 友誼Never Die真係唔係咁易做得到！)

- Time Shall good bye, never mind. The money fly away, I didn't mind. But the friendship go away, I shall cry. (Never mind, I won't Cry!!)

這些字句看來很表面，但對於當時無知的我卻有一種極強且說不出的深層意義！

有一日心血來潮，係FB找回多年沒有聯絡，但中學時代如同糖黐豆的好友，結果真的找到了她，但原來感覺已經不同了。一時之間腦海翻開了跟那位好朋友好多好多既曾年往事，曾經跟她共勉，曾經跟她胡鬧說笑，曾經跟她分享難忘的片段。或許那句友誼永固在紙上仍然未褪色，但想當年真正的友情可能已經因時間而淡化了！甚麼"Say Goodbye, Want to Cry, Fly & Fly, Never Die." 原來這才是句子背後的真相！

朋友，有些是點頭之交，有些是酒肉朋友，有些是知己患難，層次有別，在大家心裡都有不同的位置。真正可以和你不計麻煩，傾訴心事的，其實人生可能只得一位她或他，這樣其實足以無憾了。真摰的友情都是經得起時間與地域的限制，一但朋友間存有共通的默契，即使分隔多久、多遠，不用交談也好，這份連繫都不會斷開。這應該可說是"Friendship = Forever"！

感激當我遇到麻煩，但卻不會嫌棄我的好朋友。

「...朋友各自流浪 各自流汗 祝你活得好看 如你與我各自有經歷淡忘 答應我你肯講  

如果數十年後 你未善忘 請想起這地方 曾為彼此影照 光於一切的光 You Are My Friend...」

再度遊山‧玩水

趁好天，我倆又再一次出動，出外走‧走。

今日行走時間大約用了6小時，行走路線加起來應該超出了10公里路！烈日當空，我竟然不覺得熱，反而偶然間會感受到一陣陣涼風呢！

由八叔八嬸家走到這個Ridgeview Trail入口大概需要1小時。

沿路上山路較狹窄，大蚊細蚊，蒼蠅，蜘蛛，各種小飛飛都週不時撞向我們。怕小飛飛走進嘴裡，我們大概只說過兩句話！竟然，不用10分鐘我倆便到達了Burnaby Mountain。

這些雕像含意著"Playground of the Gods"。

早於3月初到訪時並未遇到這雙「恩愛」鳥，現在遇到，我又怎會錯過拍下它們的機會呢！

逗留了一會，我倆便繼續出發，係天氣極佳既情況之下，沿路所拍得既光景都相當優美。

很喜歡這張自拍照，看到這張相，有一種說不出既溫馨！

看，這張相多麼的漂亮(試吓用國語讀呢幾隻字，會好聽好多架。)！

 沿Trail行會去到呢個Mountain Bike Park，見無人我地係裡面玩咗陣。

 

 

再行，再行會去到Barnet Marine Park，不過諗唔到當行到公園既盡頭係無出路，要沿途折返。老公邊行邊話，上網查過應該真係有條路可以係公園盡頭走回家，不過搵唔到都無法，唯有行高速公路既單車線啦！行到咁上下見到張地圖，張地圖解開咗個謎，原來條路係"Proposed Boardwalk"，即係未起好咁解，明白晒啦！大約6點半返到家，終於可以好好坐下來休息了。

出發前我地又去咗M記搵著數喇，因為M記由7月9日至23日會有免費冰凍咖啡派，我地兩個Cheap精又點會放過一個咁好既機會呢！計落，我地都「蝕」咗，因為我係尋晚先發現咁「筍」既野，嘩，足足「蝕」咗6日呀！激鬼死！

 

周杰倫 - 跨時代

我的中學時代有2位男歌手紅遍校園，一位係謝霆鋒，另一位係周杰倫。中學時代開始聽周董既音樂，當時學校吹「謝周」風相當大，幾乎顛覆大部份既女生！當年有一個情境至今我仍是非常深刻。大概是學期尾，有一日上文學課時，老師對一位歌聲讚不絕口，佢話呢位歌聲好有才華，隔了數分鐘佢竟然朗讀了周董既「星晴」...

手牽手　一步兩步三步四步　望著天

看星星　一顆兩顆三顆四顆　連成線

背對背默默許下心願

看遠方的星是否聽的見

手牽手　一步兩步三步四步　望著天

看星星　一顆兩顆三顆四顆　連成線

背對背默默許下心願

看遠方的星如果聽的見

朗讀完畢她不停地說，好句好句，寫得好，寫得非常好！估不到當時老師都係周董既粉絲吧！

不過當我開始進入社會工作時忙得不可開交，周杰倫？我早已將他拋在腦後，我承認佢既歌或多或少都陪過我度過人生不同階段，人生最不愉快之時總有周杰倫既音樂陪住我！

今次這張跨時代大碟，我最欣賞既非「雨下一整晚」不過，聽起來不算是什麼震撼歌曲，但加上MV既故事，就不同說法了，成件事變得相當感動！不信？你也來看看吧！

遊山‧玩水

July 11, 2010

今早睇完世界盃冠軍戰過後便出外飲茶~ 飲完茶時間尚早，加上天氣相當不俗，於是老公跟我行行Nature Trail，很舒服的天氣，不太熱也不太冷！

進入Trail前見到公園有活動，氣氛相當熱鬧，連車位都坐無虛席~

開始行喇~

行到海邊確是涼快得很，於是我又忍唔住四圍影相！

玩完一大輪，老公又變成一個Professional既工人了，真係辛苦晒~

hAppY Saturday~

July 10, 2010

係外國生活假日不是到郊外野餐，就會係屋企後花園或者露台燒烤。我地都唔例外，早於幾日前已相約好Joe既朋友一齊BBQ，所以今晚晚飯唔駛愁！你話呢若然自己有個家既開心!! 閒時又可以請父母過來食飯，再閒時又可以請d朋友到家中食飯吹吹水~

謝謝吳氏一家三口既邀請 :D

避避暑

July 8, 2010

前往圖書館途中巧遇甲蟲在曬日光浴~

近日溫哥華既天氣熱得相當厲害，超市既西瓜呀，冬瓜呀呢一類消暑食物幾乎全部都賣斷市~

而8叔8嬸屋企係位於西面，所以屋內就會熱上加熱了 (對我來說這裡既熱總不及香港)。於是8嬸提出今晚稍移玉步一齊去Jimmy屋企家食晚飯，順道避避暑。皆因Jimmy屋企有冷氣嘛！係香港家家戶戶有冷氣是等閒事，但溫哥華就屬於奢侈的享受，因為以往溫哥華既天氣是不覺炎熱，但因為受到全球暖化問題影響，所以呢到都變得熱起來！

每次去到Jimmy屋企，我都相當喜歡走到露台看看溫哥華很好的景色，尤其是這雪山呢！

家有‧蜂巢

July 5,2010

近日溫哥華天氣好好，所以家家戶戶都忙個不停，不停維修自己間屋。八叔同樣，趁好天日日日都叫埋老公出去維修吓間屋，順便剷除埋個蜂巢！

睇吓d蜜蜂真係好勤力，不停係呢個巢到出出入入，同埋請留意吓佢個巢成隻CCTV咁呀!!

搗亂中的老公...

士多啤梨，紅莓日‧重溫WWOOF的日子

July 3, 2010

今日玩得好開心，皆因阿愛帶我地去Langley摘Stawberries + Raspberries，去到見到果園好有重溫WWOOF日子既感覺！呢個果園好多人，佢地個個都相當豐收，攞住好多Stawberries + Raspberries出黎，全部都好大粒，好有光澤！

今日個天整日都陰陰地，但係我倆都玩得好開心。可能係太多人摘既關係，所以頭果幾行都已經比人摘到無得再摘，所以我同老公行到老遠摘，嘩果一部份d Raspberries好大，好靚，摘吓摘吓已經添滿了整個盒了~

不過，當我地打算走既時候，有位工作人員走埋黎同我地講...呢幾行係唔開架... =.=" 好彩我地一早摘完，唔怪得之果到d Raspberries咁大咁靚啦！

我都係依家先知Raspberries係咁ga....

輕輕鬆鬆摘滿個盤，係短短既時間我地摘到5lbs，返去慢慢嘆！

查實加拿大都可以有WWOOF姐...點解政府唔諗諗佢呀~

Canada Day

July 1, 2010

今日係香港回歸紀念日，同時間亦都是加拿大國慶日。

係呢到好多人都會一齊慶祝加拿大國慶，而並不是好像香港般每到七‧一都只顧遊行~ 不過，加拿大今年七‧一都有大事發生，就係要加稅，HST，以前買野只係比GST、PST，依家多咗個HST，即係話買一件野要比12%稅，多倫多仲加到15%稅呀，好彩去咗咋。唉！真係生活迫人！

今日我地去咗2姑姐屋企BBQ，食咗好多野呀!!

與老師有個約會

June 28, 2010

今日同滑雪老師有個約會，我地相約了一起吃韓國石窩飯~ 每次見到佢2個我都會好開心，有一種好親切，好安全既感覺呢！

由於我同老公唔捨得比錢搭巴士，所以我地一早出門開始步行到目的地。食飽飯同樣都係唔捨得比錢搭巴士，所以都係行返屋企... 來來回回都應該有10公里。可能我地又做出了「奇蹟」，因為無人會好似我地咁傻來回Metro Town都步行吧！

你睇溫哥華既晚景幾靚~

呢道光相當特別~

回歸‧溫哥華

June 23,2010

回歸溫哥華已經差不多2星期了，但因為我「懶懶閒」咁寫返早排既網誌而忽略了加拿大的一部份呢！

回歸溫哥華既翌日，我地即時出動... Lunch去食個Sushi Town，夜晚就食個越南河，輕輕鬆鬆地過一日。

今日食晚飯前我打咗個電話返屋企報平安，今次同媽咪傾電話有一種很不同既感覺，可能係我太耐無打返屋企既原固吧！閒談了一回，媽咪跟我說大姑丈患上了癌症，未能確定可以活多久，聽過後，我即時不能給她任何反應，媽咪很冷靜的跟我說，我們根本甚麼也不能做，多為他祈禱吧，慧琳！是的是的在遠方的我只可以為他多祈禱吧！

亦因為呢個唔係咁好既消息我即時又對人生有點感慨，唔通人生到了晚年一定會受到病魔纏繞嗎？跟老公談及，他卻對我安慰地說，老年時患上癌症都算是不錯的事，至少自己唔駛煩、唔駛擔憂自己點死！甚至可以有時間為自己既身後事好好作出準備！

是的...唔駛擔憂自己點死！甚至可以有時間為自己既身後事好好作出準備都算是不錯的事呢！但我卻明白到健康若是出了問題，幾多歲也好，都不是一件好事呢！我叮囑了老公，若是我患上癌症，無論我幾多歲也不要花錢醫我，因為唔值得花呢！

結束秘魯之旅‧感想篇

秘魯屬於南美國家，好多人說於南美國家旅遊會較危險。起初我也比較擔心這個問題，所以對每件事也打醒十二分精神，但日子久了發覺又沒有想像中那麼差！事實上大部份既秘魯人都相當有善，只是因為言語問題往往成為了障礙。

於秘魯這段時間每一件事對我來說都相當新鮮，色彩繽紛的建築物 (可跟墨西哥以及美加的作比較)，差不多樣子的廣場，每一條帶有印加味道的街，只要願意花時間四出走走，總會找到屬於當地的特色！

但本是天主教徒的我，於秘魯見到天主教神像時，我竟然會帶點心驚膽跳既感覺，是因為浮誇帶來的恐懼？還是我不太認同他們對主看待的方式呢？偶然會見到他們會將天主或聖母當成「土地公公」般崇拜，難道這些就是「國有國法，家有家規」的做法嘛？

食方面，我地免得過都唔會食街邊野，有時候就連食杯雪糕都要諗得好清楚，因為無咩驚，最驚自己「玻璃肚」發作！係秘魯既每一日大部份時間都係食「干煎雞扒」，不過久不久都會搵到好好食既餐廳，就例如Nazca既Los Angeles，又例如Cuzco既Ama Lur，基本上只要唔怕貴的話相信秘魯真係會有好多好野食！可惜係我地對酒無興趣，無興趣到連Pisco Sour都唔記得試。

至於係秘魯叫我印象最深刻的...莫過於是走Inca Trail了。4日3夜既旅程最終目的就是為了看Machu Picchu。人家說「不到長城非好漢」，我卻說「不到馬丘比丘‧非好漢也」！整個旅程我所見到的大自然景象，很多都不能用文字來形容，即使拍了下來也是另一種感覺，所以我已經將這些景色放進我有限既記憶系統內！

其實到秘魯除了Machu Picchu以外，基乎所有我去過的地方都是相當Amazing，即是說Lima > Nazca (Nazca Lines) > Arequipa > Colca Canyon > Cuzco (Sacred Valley, Saqsaywaman) > Inca Trail (Machupichu)，全都是值得一去的地方呢！

轉呀轉‧終於返到溫哥華喇！

June 22, 2010 (Day 25)

晚上10點幾終於去到Miami了，不過估唔到老公入美國境都遇上麻煩！早幾個月我地係美加穿梭咁玩都冇事，遍遍今次遇到咁多麻煩野！嘩！係區內入唔到美國境真係會一額汗！我諗住美國關員態度會好d啦，點知充滿大美主意既關員態度相當差！佢一句"I don't care"就「的」咗我地入去特別房等！點知...入到去鬼咁多人~ 眼見既關員只係顧住自己傾計，激到d人傻咗！等呀等... 終於到老公了... 我地係關口出返黎行李帶已經係凌晨12點幾喇，咩人都冇晒！

今晚會係Miami機場過，搭明早7點幾機。等到大約4點終於可以Check-in喇，因為之前我地搭美國機一直都冇話要收行李費... 點知...係呢到佢要每件行李收US$25，嘩，心都痛埋，咁就無咗US$50喇！

7:55am可以上機喇，今次轉呀轉要轉到Dallas先可以返到溫哥華，唉，今次真係玩大咗喇！玩親自己呀~

到咗Dallas又要等個幾鐘先可以再上機，不過Dallas機場都幾靚~

係機場等候期間，我地見到有飛機著火呀！不過望真d佢地應該係做緊「火警演習」，嘩使唔使咁逼真呀~

最後一程機... 搭埋呢程機終於可以返到溫哥華了~

你睇溫哥華既半空幾靚~

2點幾終於返到溫哥華喇，終於可以離開密室出黎吸番口清新既空氣了！

返到黎8叔8嬸屋企，我地二話不說咁...煮咗碗石窩麵食，真係爽死！食完呢碗麵之後我地正式向南美‧秘魯之旅劃上句號。