Part-time Job 開工大吉

今天第一天返Part-time Job，真係開工大吉！

早上八點半返到工作岡位，即將離任既秘書non-stop地給我注入新訊息，坦白講，工作並不算辛苦，也不算多，只是有些工序上的煩複及混亂吧！是的最怕接人手尾，因為即將離任的人通常都做事做到天一半地一半，我信我自己離任時也差不多，但總算「清得幾多得幾多」....唉.....不過我估...我還可以應付得來呢！希望哩一個月可以學到嘢之餘仲可以賺到個外快呢 >.<

今天踏入公司的第一刻，我真正感受到咩叫戰場!!因為行到每一個角落都總會見到一大堆數字，一大堆Target, 一大堆Policy Credit, 一大堆Slogan, 係某一個角落我仲見到「開單"珍"奇」，又見到Boss門口寫住，「D錢係會繼續嚟」...諗諗吓唔知明早佢地開Meeting時會會成team人大叫....「多勞多得，一定得，開保單，我地得!!」呢D Slogan呢！

雖則今天是第一天上班，但Boss對我呢位part-time小子好似有點期望呢！希望我都不負她人所望啦！

阿爸出院記

昨天阿爸出院了，成件事可能因為有得Claim保險，所以就覺得價錢合理呢！

可能係因為連續2天都太早起身的關係，接了爸爸回家，跟媽媽一同買過餸後，返到屋企睇睇吓書，不知不覺就瞓著了。

直到六點幾，我一起身便幫媽一同燒飯，感覺真好，因為我見到媽那種快樂呢！

飽餐一頓後更回家~

**活著有你多好 多麼渺小都變寶 躺在平靜被舖上漫談來日旅途 回到家中便有你多好 一碗暖湯的鼓舞 沾濕我眼睛 有人祈求我歸家 來互抱**

爸爸入院記

今天很累，因為我的爸爸要入院當一個小手術！不過我估我的媽媽更累呢！

爸爸的眼睛因為常常發炎，因而令眼睛經常感到痛楚，我並不清楚他的病名，只知他更一年也試過好幾次，對我來說眼真的是靈魂之窗，怎叫一家人不擔心呢？

今天，多了時間跟我的爸媽交談，對於他的病真的有很多笑料，先有提及到爸爸第一天到瑪麗醫院被醫生仔冷淡、欠缺知識的對待；繼而談道他到私家醫生診所被醫生強行張開他的眼睛的過程，(因為要幫他戴上隱形眼鏡防止傷口擴大)，這一切一切，我也深深的感受到愛的存在，因為媽媽及哥哥也一直在他旁呢！

早上十點十五分，到達醫院辦理入醫手續，一黎到先要比入院deposit成為港幣七千大元。早上十點三十分上病房，普通三個人同住的病房港幣六百大元一晚，包咗一個鎖，牙膏+刷，1 Box Set tissue, 沖涼液一支，梳等。嘩！原來入院真係比人"禁"住黎搶呢！等到中午十二點幾開始要準備做手術喇，我同媽媽感受到爸爸那種緊張，不等要你做這件事，做那件事，總是叫不停，不過由於我跟媽媽也知道他在抒發自己的緊張，所以我們沒有理會他呢！哈哈~ 醫護人員將他從病房推出來時，媽媽經過聖母像，她也不忙地為爸爸祈禱，O mY God邊有咁神心呢！=.=

下午一點十五分，入了手術室，不用三十分鐘爸爸已經走出來了，他將他得到的經驗分享一輪咀地發射出來，也許呢一種係減壓的方式呢！不過有時想起也感到可怕啊~ 直至爸爸返回病房我才跟媽媽食下午茶，之後我回家休息片刻，媽媽跟哥哥在醫院留守。

回到家，其實我並沒有好好休息，因為我給自己的Daily寫上，我初次感受到爸媽已開始老了的感覺，很怕他們會離我而去的一刻！之後傻傻地哭了起來。

晚上七點十五分，我買了一盒晚飯給爸爸，同時我也約了Joe於醫院對面的Waston門口等，因為我地要一齊入去買一盒"任達華-卡士蘭藍莓精華素"比爸爸等佢快D好啦！聽聞呢隻野真係有D效，不過都真係幾貴既~~

晚上七點幾近八點等爸爸食完飯，我地便離開醫院食我地既晚飯啊~ 明天一早再到醫院食媽媽做的早餐，探及接爸爸出院呢！

祝親愛的爸爸早日康復，主佑!

*p.s. 幫爸爸影的相是沒有理會媽媽的阻止而拍下的呢 :p

好景不常‧有

昨天跟Maggie去看姊妹裙，嘩做結婚野生意應該係好好賺，因為成個百利都被姊妹們攻陷呢！行了行大概知道有咩款式，而且價錢算是合理！之後我地仲一齊食咗百利最出名既"炸物"！坐在店舖門口不足十五分鐘，那個舖的生意好到不得了.........

之後我join老公走咗去做八掛事，雖然係八掛，但係我好欣賞老公的講話！為咗呢2位朋友我估佢真係係跑2個圈既時候諗好咗對白呢！雖然我知道我地唔可以幫到幾多，但總叫出過力！無人知自己將來會是如何，但人生都算是一場Show，我估我應該叫呢2位朋友好好將自己的人生坦白地好好地演下去"SHOW MUST GO ON"... 除非你打算放棄自己或者對方罷！

所謂既「好景不常‧有」就是來形容呢2位好朋友！另外就係爸爸要入院做手術，我知手術應會很安全，但我也十分坦心，不境這也是一對靈魂之窗呢！願主也在你旁支持你！

明天到奶奶家為姪女慶祝3歲生日，小朋友真的大得很快，轉眼間已經3歲了 :)

今天看看這篇文章，我不禁又再想起... 『生、老、病、死』這四個字，真叫人難以捉摸，但人既一生其實不只得這四個字，而是應該在某一些位置上加插『精彩、豐盛』等字眼呢！

Mission 1 COMPLETED

太開心喇！搞咗差不多一個月既mission 1終於掂咗... 不過仲有mission 2,3,4...... 放心啦！我會加把勁 :)

昨天，我地一行四人又一齊行"孖必"，一齊去飲茶，租碟睇，食晚飯...... 呢d咁開心既日子我會好好記低，因為遲些行"孖必"既機會率可能會減少！真的要好好記著同你2個既每一刻~~

p.s. - 今日租了"零人口"本是以為是一齣好戲，誰知...開戲不夠十分鐘......我同Sam都睡著了，因為呢這是一齣沒有主角的「未來記錄片」 =.=  Crazy外國人真係好喜歡看這些片段嗎?? 幸好20分鐘後....換了"Knowing"，如果唔係我同Sam傻應該係會瞓足個半鐘呢....

失眠 - 於心有愧

好辛苦呀... 昨晚整夜都失眠

閉上眼又會發惡夢... 又時候真的諗做人真係唔好做錯事，做錯決定!!

加上，昨天你家發生了一些不快事情，很想很想跟你一同回家，但你拒絕了我！坦白說，我真有點失望... 因為我都是你們的一家人呢！可能因為如此我一直耿耿於懷吧！

亦都因為這樣覺得於心有愧啊！

「良心有愧 原來隨便錯手 可毀了人一世
立志助世人脫貧以為 便偉大到像多麼有為
這種剌蝟 連誰曾待我好 都可帶來傷勢
內疚內疚內疚沒作為
直到某年某日我能安息於葬禮.....」

幸福就是簡單

東西愈少愈簡單，我們就會愈重視我們擁有的一切，Less is more ^_^

沒有上班的日子，天天總是起身、做運動(偶然也會偷懶)、買餸、燒飯等，別人看見一定覺得我的生活很沉悶，但我暫總不覺。看似這些事全都很簡單，但每一分每秒都是充滿著愛，真的就是如此簡單。

我很幸福，因為我父母及哥哥仍然健在，他們常常叮嚀著我，掛念著我...
我很幸福，因為我擁有健康的身體，還有不殘缺的心靈...
我很幸福，因為我有朋友在我身邊跟我分享我的所有...
我更幸福，因為我有「他」，他總會在我身邊，疼我、默默的支持者我...

我猜，只要心中有愛，那就是愛！永遠抱著感恩的心，珍惜我們所擁有的一切，幸福就那麼簡單。

Always think “Just enough is good enough”, I can feel it.

p.s.
上一次提及到Joe跟我一同參與Mass... 好竟不常... 當我倆返會家時，我們竟中招... 我的第一次就是如此付出了... 是的我們一同"踩狗Shit"啊!!!!!

Happy Saturday

今日雖然打三號風球，但係都冇阻我地出街食Lunch既心情... 開始時左諗右諗都唔知食咩好~ 諗咗幾分鐘你就建議帶我去食一餐Good Lunch，因為你話要慰勞我今週的勤努 :) 「登登」Pokka Cafe，果然是一個好建議，仲要係一個好高級的建議。係Pokka飲了一個餐湯 + 一個牛排 + 點品 + 香滑全城既Coffee + 理想對象 + 舒適環境 + 開揚遠境 + 大風大雨的聲音，諗諗吓咁多野加埋都唔叫貴啦... 不過可惜既係，你未能放開你既工作好好的跟我享受這一餐。


飯後，我建議到LCX走一趟，估唔到係果到我地都可以玩得咁開心，開心是因為係果到找到你的童真，開心係因為我可以見到你重返車場的興奮，加上可以食到由商場派發的免費雪榚 (雖然我食完都講錯咗第二間雪糕公司名)，見到你咁開心，我都真係Super Happy呢！你知嘛當你係LCX找到你既高潮後，我真的想送你那個玩具哦！！

Play Station你係得既.... :p 短短三十分鐘你帶給了我們最大的"娛樂無窮"。

今日另一個開心位係... 六點半彌撒你竟在我旁跟我一起呢~~真的很感恩！今次還是你主動提議我參與呢！我知道成個果程你一定很悶，但我極為自私地想... 希望下星期我們可以再一次一同參與呢！

另外，今日教區制訂了「進堂衣著注意事項」，神父們真的注重時下的Fashion，但我相當同意是次的注意事項呢！


感謝主賜我一位好相公呢 :D

感謝主賜我與哥哥一同晚餐 :P

感謝主~感謝主！

The Most Memorable Moments to ‧Michael Jackson

再見喇親愛既MJ‧Goodbye my Dearest MJ ~

當我見到佢個女喊時，我終於忍唔住喇...

Michael, we LOVE u!!! 多謝你賜給我們那些屬於你的，獨門的舞步以及節奏感澎湃的音樂。

最後打工日

六月十九日是我最後工作天。的確是不捨得我身邊一班作戰的同事，不過捨不得也要放手呢！離開最不開心的是...竟然我跟我的老闆從此會變成陌路人。

或許老公說得很對，我對老闆的期望太高了，在這裡工作了兩年半多，我唔敢講我係好勤力，但我敢講我在這裡所做的絕對唔少，也有付出...... 但當我交了辭職信後，佢開始當我透明... 有咩都叫第三者同你講，搞到D野錯晒，呢D工作環境真係好辛苦。諗諗吓佢都真係痴線！好似要一世打佢工佢先開心！就係因為咁我可以話佢係一個對人唔對事既人，佢比我既感覺係好無禮貌，咁都比佢做到老闆，真係天地不容！

諗住走咗個人會平靜D啦... 點知因為佢想拖糧既問題，真係叫我又再一次頂住條氣！我諗如果唔係佢激到我話要去Labour Department佢都唔會咁準時出返糧比我！

其實佢可以知道呢一行係好細... 點解佢會咁ga... 有時真係諗... 我都唔明點解自己可以忍你忍咁耐！在呢家公司二年多來，我就好似老了五年！沒有自己的時間，沒有自己的生活，成日都要24小時工作，換來的只有每個月收取薪金時的一點安慰，自己就經常一身病！

想了很久很久，人生就是如此嗎？用時間換取金錢，用生命換取生計？