May 6,2010 (Day 6)
今朝晨咁早就要起身，因為參加咗船公司安排的瑪雅人古蹟一日遊 (Tulum ruins)，團費都幾貴每人大概要US$89，所以相當期待...
墨西哥日出
今日天氣比昨天更熱，係街企幾分鐘成個人都溶了，所以冇冷氣既日子真難過，點都好….出發，又坐船又坐車成兩個鐘先到達古蹟，其他團友仲要坐多一程車先到購票處，而我倆比其他團友好，皆因我地兩隻Cheap精為咗慳果US$4就離隊自己行過去，其實路程真係好短，行仲快佢地成幾分鐘，都唔明點解d人要比錢坐車過去。等齊人終於可以入去，哩個古蹟其實係一個由城牆包圍既城市，建築物只是寥寥可數，但還可見到周密既城市規劃，政治、宗教、貧、富區域分配得井井有條。除此以外，瑪雅人既曆法亦被喻為最準確的曆法，不過如果佢地真係咁準就大件事喇，因為佢地預測2012年世界末日，希望唔會比佢地測中！
瑪雅人既曆法你又信幾多呢?
得我地2個無坐呢d車
US$89睇既瑪雅人古蹟一日遊 (Tulum ruins)
遊覽過Tulum以後，我地就返回Cozumel市內四圍觀光，不過天氣真係好熱(龍生話熾熱的陽光比澳洲更甚)，行行吓冇心機行，走去7-11買咗支可樂解解喝，爽死！由於出去市內觀光係唔包回程車費，所以我地用咗US$7返船。
5分鐘一條...10分鐘兩條...
**順帶一題，若果有朋友仔有興趣參加船上的觀光/活動團，不妨考慮上岸後參與當地的觀光/活動團，因為價錢比船公司優惠得太多太多！我們有2個朋友仔去了一個四小時浮潛團，包來回交通，費用只不過每人US$20！抵到爆！**
墨西哥的一花、一草、一木以致牆及街道都充滿不同顏色，連電單車也不例外！
係Cozumel唔捨得比錢食野，所以返到船我地第一時間走去食吓Cake，飲吓咖啡！隔咗無耐又食晚餐了，今晚我地食得好瘋狂，因為服務員誤會了我落既order，所以今晚我地要每人食2碟主菜，真係太瘋狂了！食飽抱主個大肚兜返房...
每人食2碟主菜(for me豬扒+魚)，(for Joe豬扒+牛扒)，唔駛食望住都飽！
