七月

七月的日子就像子彈般飛逝，極度開心的有小朋友陪我們度過一個熱熱的暑假！

海洋公園篇

摸蜆篇

保齡 + 小克篇

公主生日篇

我所開心的...

1月- 搵工中渡過。

2月- 新年來到，萬象更新！更新到係初二買咗部焗爐。由於搬咗新地方，親友們紛紛到來探訪，是一樂也！

2月- 多謝老闆給予我機會回巢，多謝老公給予我的支持。

3月- 是我生日的月份，多謝老公給我的驚喜，多謝老公為了打造一位『潮』的我而送了一部4G電話給我。老公萬歲，Atrix萬萬歲！

4月- 痛失了一位親友，過去大半年時間天天跟她在一起，失去的一刻確是難過得要命。為了不想讓大家後悔，所以收到消息既翌日已經買了機票出走，即使是最後一刻也不想錯過。含著淚跟八嬸說，一路好走！

4月- 「四眼龜Bye Bye \o-o/」無錯4月我雙眼做了Lasik，多謝老公既支持叫我堅持做這件事。八年前老公做既醫生，八年後也是我的醫生呢！由於我既近視+散光實在太深，沒太多醫生願意賺我呢d高風險病人錢呢！做Lasik果種痛既感覺係我依一生人最唔會忘記！真係要講句”I will never forget it!!”

4月- 首次逛家品展，狂得要命。

5月- 母親節+我媽媽生日，今年送了部手機給她，同時在石澳渡過，快活快活。

5月- 忙得要命的一個月，一個星期返三晚學，基乎沒有時間給自己休息，沒時間吸收事情。所以「學以自用，但唔靈活亦唔貫通！」正所謂 “amor Español”都唔等於我會記得到所有既野。

6月- 最忙的一個月，因為我生命中最重要的3個男士生日(爸爸+老公+哥哥)，再加上父親節，所以六月除咗係個好忙既月份外，也是最大壓力的一個月份。

6月- 我最愛的老公生日，多謝每位有份給他驚喜的朋友!

6月- 炎熱的夏日，一同四人到了沙田踩單車，雖然熱得要命，但卻快樂無比！不過… 我想表達一下…. 踩單車明明係用對腳踩ga ma，但點解… 我對手會痛得咁嚴重，反而對腳冇事呢！

6月- 表示我沒抽獎、中六合彩命的「一個月」(我信其他月份我會有機會中)。估唔到最少可獲得HK$10免簽賬，我就係中果 HK$10呢！匯豐銀行「賞錢易」多謝你。

6月- 正在等待7月的來臨。

黃石公園之旅 (Day 4)

依家已經係2011年1月，但我還在為我過去的一年旅程日誌發功.......

September 10, 2010

是日行程：Yellowstone National Park

今日天氣比起作天好得多，雖然有強勁的風，但起碼有陽光呢！今早8點幾出發到黃石，諗住星期五會有好多遊客入內，估唔到.... 都避不過要塞車!!!

不過，塞車既原因聽聞係.... 水牛在散步，所以遊人係不得內進。睇吓條車龍幾長！！

今日入黃石公園主要係遊既地方係包括Old Faithful, West Thumb, Madison等地。坦白講黃石公園真係太大喇，而且有幾多既景都差不多，恕我真的未能一一詳述，但好既景我都已經好好咁拍了下來。

查實，今日天氣真係唔錯，只不過係大風過頭，你地睇吓下圖就會明解....

為咗要影到一張成功既相，大家都嘗試企高，好可惜.... 靚相就影唔到，而我地2個就比d水蒸汽蒸到濕晒，連大相機都要收埋，拎返晒d細相機出來。此時此刻此景，我即時諗起梁詠琪既煙霧瀰漫，「抬頭是明月但覺煙霧瀰漫‧時刮風時也天藍然後續漸緩」

一張我覺得相當溫馨既合照，大家都有共同、一致既目標！

離開了煙霧瀰漫既景區後，我地就「向晴朗的一天出發」，睇吓個景觀真係唔同晒！

真的優美似畫.... West Thumb

睇吓個Shell Spring，真係放隻蛋落去都會熟！

欣賞完以上既靚景後，我地就去咗等待今日既重頭戲.... Old Faithful「老實噴泉」！這個應該是黃石公園裡最有名的噴泉吧！若果去黃石公園沒遊過這個景點，可算是沒到過黃石吧！

非常幸運地，當我們到達Old Faithful時，只差30分鐘左右就噴射了。而我們亦見到大批人馬紛紛趕到。我地仲邊食邊等呢！

老實噴泉果然老實，不過噴泉可能已經老了，眼見噴出來的水不算太高！但對我來說確是興奮。

睇完Old Faithful之後，我地就去到睇Dragon's Mouth Spring了。據了解呢個地方係有好多水牛出現，所以公園內都有一個指示牌提醒大家。

嘩！！呢個口噴出黎既漿真係泥漿呀，不禁令我聯想起... 日本既泥漿溫泉啊！

離開黃石公園前，我地去到最多Buffalo出現既地方，碰一碰運氣，哈哈，真的大有收穫！

先係隔岸觀牛.....

繼而，水牛過河....

哈哈，擦身而過....

真係，眼前一亮.... 如願以償！

睇完水牛向前行，見到咁多人又係到等，原來今次係等.... 熊之出沒，我地相當幸運用望遠鏡望到3數隻呢！

多謝老爺幫我地影咗一幅咁既相.....