May 1, 2010 (Day 1)
人生第一次參與郵輪感覺相當興奮，倒數了近90日終於上船了！Florida天氣的而且確好熱，剩係企係到都會熱到癲！龍生十點幾已經送咗我去碼頭，而佢就自己一個還車(我係碼頭等了差不多一個鐘仲未見到龍生返來，心裡既唔安樂，又不能放鬆，一等之下終於等到了，安樂晒！)，幸好租車公司有免費巴士送佢返回碼頭，否則係咁熱既天氣底下跑回碼頭一定會中暑！
入閘Check-in的一刻我倆已經興奮得大叫起來，郵輪真的很大，不過上郵輪前我地已經set好咗目標，第一係要Book Zip-line及Flowrider，第二係要好好沖一個靚涼。(因為昨晚瞓車冇得沖涼嘛！)之後我地係郵輪上四圍行，感覺真係好Good！隻郵輪太大了，若要每一個角落都細仔咁睇，的確要花上一點時間。
Check-in大堂都鬼大...
上船時有好多人Welcome你~
下午五點郵輪準時開出，Western Caribbean我地黎喇！
簡單介紹一吓我地今次坐既豪華郵輪資料 :-
暫時全世界最大的船，它擁有16層甲板和2700個客房，可乘載5400名乘客，其中還包括了許多兩層的超級洋房，簡直足以媲美城市裏的家。它是首艘有7個明顯分區的遊輪，分別為中央公園、木板路、皇家步行區、眾多酒吧飯店、游泳池和運動區、海洋溫泉與健身區、娛樂區和少年區。其中，中央公園位於遊輪的第8層甲板上，公園長達100米、寬19米。為了讓公園中的植物能茁壯成長，此遊輪還將採用小氣候控制技術。娛樂區有15家以上飯館和酒吧、一處娛樂場所、一家影院、二家夜總會和一家最大的淡水游泳池。
內園景
內園景
我地間房
郵輪上其中一個水上活動
Zipline，好玩，唔覺高！
萬一迷路，你可以搵佢指點迷津
可以好舒適咁曬太陽
No comments:
Post a Comment