二o一二年十一月●我們的寶寶

二o一二年十一月

時間真係過得好快.... 轉眼間已經大仔個肚仔廿幾週喇，已經過咗懷孕既一大半時間!!

同時間亦係黃醫生到做了二十週結構產檢。寶寶健康，爸媽放心。不過，如同之前檢查一樣，我地都唔識睇醫生講既器官，只係識得睇d好表面既我已經覺得好興奮，更何況知道你健健康康呢!!

十一月十六日●返QE做產檢由早上8.45等到11點先有得睇！大住個肚既我冇晒耐性，簡直想殺人！！點解我交咗稅都有咁既待遇！點解睇9點45分果位阿太，睇完走埋我仲係到等!! 我問姑娘，佢話因為我係8:45果lot時間既第12位！我真係忍唔住話咗佢幾句！火燒心！我知動胎氣唔好但真係冇法子！

等到喇，入去見醫生睇咗冇2分鐘叫我走wor..!!!!! 佢仲問我你自己有冇搵私家醫生做檢查呀?如果有醫生話ok，咁就ok喇！我頂咁我返黎做咩呀!!!!!!!!!!真係好嬲！下次改到育嬰健康院檢查，唔知又要等幾耐呢！