早早八點幾起身慢遊Boston，諗起昨晚夜遊這兒真的很熱鬧，星期六既North End酒吧區全部都爆滿，可以想想當時街上有多少人呢？相反一朝早再遊Boston既North End氣氛冷清，但我卻愛這種寧靜。繼而我地去埋行Harvard + MIT吸取一吓書卷味，可惜我太沒文化，感受不到呢！
隨便影影，以及攞車去租車公司維修
離開Boston後我地向Quebec City, Canada方向走，本來打算係美國那邊找找Motel，但住係一個唔知咩鬼地方都要成US$70.00一晚，所以繼續向加拿大前進。誰知，係加拿大過境時足足花了個幾鐘，除咗成架車比過境人員返轉來Check之外，佢地仲同我地傾咗一陣計，因為佢地對我地既行程感到好奇，2位不同既過境人員不停地說好羨慕我地既行程。幫手蓋印既過境姐姐仲話好Proud of chop for us！開心還開心，當我地可以入Quebec時已經9.30pm了，黑漆漆，d路好難睇了。
入到Quebec第一件事係要知道東、南、西、北既法文係咩 (因為呢個地方官方語言係法文)，如果唔係會搵唔到路！亦都因為咁，我地好夜都仲係條街上搵Motel，終於係凌晨2點幾搵到一間要講價既Motel，老公好勁同個法個人雞同鴨講咁都可以講到價，終於傾好2晚CAD$120.00成交。
P.S.尋晚係Boston搵唔到廁所，今早去到麥記打算好好使用呢Ｄ公共設施，點不知原來要收錢，我地因為想慳返Ｄ錢，唯有等人地去完出黎之前，出絕招...「衝入去」！
No comments:
Post a Comment