今日目的地係Orlando，好多人去Orlando主要去既地方都係Disneyland、Universal Studio或其他主題公園，但我倆對呢D公園真係無咩興趣，所以我地主打係去Orlando Premium Outlet入貨！無錯Cheap精都一樣會有花錢既時候，但我地係有目的既，皆因我地六月份參加咗行山團，所以
要去搵吓d行山鞋同埋衫！
Orlando Premium Outlet氣氛真係好好，D嘢好整齊，行又行得好舒服，我地今日大有斬獲買咗合適既野。諗諗吓…原來我地每次行Outlet都好開心、好興奮！不過可惜既係我地唔可以買太多野，如果唔係成個東岸之旅以及六月秘魯之旅會自作受！係…剛才話氣氛好係因為個Outlet本身收9點，但好多人都唔捨得走，尤其係Nike Shop，D人買到真係唔駛錢一樣，個個都挽住大大袋(幾袋)走，真係癲晒！
~~~分享一吓發癲既原因啦…我係A/X買咗件衫，用埋VIP Coupon計埋稅後US$9.00都唔駛就有交易。
~~~係加拿大買既LuLu要成百幾至二百幾加元一條，係Outlet睇住佢減價，US$29.00帶走佢…所以d人係癲得有道理ga！
由於今日用咗太多錢喇，所以晚餐$又係幫襯M記，仲唔止我地仲用埋佢個獨立殘廁整理吓自己，包括刷牙、洗面以及洗腳等！！其實…本來唔駛咁ga…不過今晚要瞓街，無法啦！自作受!!!
至於今晚瞓覺基地係位於4號公路旁既一個24小時Rest Area，呢個Rest Area有護衛員看守，所以好有安全感！
No comments:
Post a Comment