Wonderland本身係開十點，點知我地九點幾去到已經有好多人，本應今日係平日d學生要返學才是，但又唔知係咩原因咁鬼多學生去到Wonderland一齊玩！
Wonderland裡面好大，亦都有好多唔同既過山車，今日一入到去我都未做好心理準備就比龍生拉咗我去玩全場最可怕既過山車，跳到上架車到我既心跳不停加快，快到我差d喘不到過來，之後架車Bomb的一聲開出，係半空轉圈其間我突然發現我的眼角帶有淚水！真係嚇死人…亦都因為玩完呢個過山車，其後所有機動遊戲都變得不太可怕了。
我地今日總共玩咗16次唔同形式既過山車，包括成個人坐係個位到、企係個位到、趴係個位到、吊腳既、向前行既、向後衝既、百年木造既，總之可能你講得出既今日我都玩過晒！除咗過山車外，其他既機動遊戲我地都玩過晒，只係得洗衣機無玩，因為唔知今晚搵唔搵到地方瞓ma，萬一濕咗冇得沖涼就大件事了。
約八點我地就離開，其實玩呢個樂園比起去海洋公園真係開心得多，加上收費合理，所以都叫抵玩。今日係我同龍生一齊聽到佢笑得最開心，叫得最放既一日！
沿途經過Wal-mart，我地係入面買咗一隻BBQ Chicken作為今晚既晚餐，不過都係澳洲時食既BBQ Chicken好食d，食飽又沿Highway方向走，最後搵咗Motel 6，今晚間房好舒服，可能玩得太累所以見到張床就好想立即呼呼入睡。
No comments:
Post a Comment