走馬看D.C.‧走呀走...

May 11, 2010 (Day 11)

昨晚瞓得好好，一覺瞓醒已經係朝早十點了，今日天氣唔係太好，又塞車，去到D.C.又搵唔到車位，所以係D.C.逗留咗幾個鐘就走了。去到華盛頓一定會去White House (白宮)、Lincoln Memorial(林肯紀念像)、Washington Monument等地。基本去到華盛頓要睇既我地都睇晒，只不過天氣無人地咁好，影唔到靚景，有相為證ga！你地可以上網搵吓人地影既水池同我地影既有咩唔同！即使今日係用走馬DC來形容，但總叫見識過華盛頓，最起碼近距離見過白宮。

係華盛頓唔算逗留得耐，但最多見到既係「警車」，最多聽到既係「警車響聲」！或者有很多國家官員到美國同奧巴馬開會掛！雖然留咗係呢個地方唔係太耐，但已經唔係太喜歡呢個地方，因為…實在太塞車喇！塞到老公都忟忟地！

由華盛頓離開到去到費城已經天黑黑，今晚又要瞓車了，由於搵咗好耐都搵唔到M記，所以只好厚住臉去Crown Plaza借廁所梳洗！佢個廁所好正，「正」係因為佢地係用健力士紙巾，亦因為咁用完佢個廁所後我頓時覺得自己升咗「呢」！搞定晒所有野之後我地去咗Rocky Steps附近抖喇！晚安！