今早係Hostel完埋個早餐就等出發到Colca Canyon，坦白講我都唔知去呢個地方會睇到d咩同埋做d咩，大概知道會睇到鷹、羊以及有得浸露天溫泉等。其他一概不知，所以好期待呢個團！
一上車又重遇返俄國夫婦，好開心以及帶點安全感，全團有23個團友，有來至Dominica Republic、Barcelona (巴塞隆納)、Israel (以色列)、澳洲人以及秘魯人等，全團人青年佔多數(包括我倆)，旅遊巴係市內接晒所有人，終於係八點半出發！
沿途風光真係好優美，第一個到達既地方就係睇Alpaca既地方，唔算好多，所以等咗一陣便出發到第二個景點區，就係位於4,100米海拔高既地方，可以見到火山。呢到既景色真係好靚，有我最喜歡既大自然景！
繼續上路，但我卻停不了拍照~
查實今日行程都好緊密，坐咗一陣車又要落車喇，今次係要睇南美洲山區最多既 Llama以及Alpaca(其實都係羊，只不過係唔同品種！)，佢地個樣好鬼蠢，走入去羊群堆中佢地又唔理你，又唔會走開，任影唔嬲！俄羅斯既女士好大胆，佢直頭攬住隻羊唔俾佢走，真係服咗佢！
上返車之後我地出發去到Chivay，由呢到開始進入Colca Valley，並且係要自費，所以每個人都要自己落車俾S/.35，入到去第一時間去食自助午餐，呢餐又唔包，每人要俾S/.20，對於我黎講我覺得貴，因為我咩都唔敢食，怕食完會肚痾！同埋因為呢個地方有Alpaca食，所以成個午餐我都係菜為主，同枱既團友問…「Michelle你食齋ga?我話唔係只不過唔想食到Alpaca姐！」不過老公最後都鼓起勇氣試咗少少，真係「少少」，佢話D用好硬唔好食。
食完去到Hostel好開心，因為呢間暫時係咁多晚最好既一間，不過由於我太頭痛所以無晒心情影相呢！休息一陣又要出去喇，今次係出發去浸Hot Spring，真「梳干」，不過都因為係頭痛既關係，成件事變得唔夠理想！唉，我真係唔爭氣。
浸過Hot Spring又返返Hostel，本來仲有下場，但因為我受高山症影響，個頭痛到真係想爆開，同埋想嘔，所以返到去Hostel咩都無理，亦都無食晚餐就即刻瞓覺，難為了同樣頭痛既老公要照顧我！不過瞓到半桶水之時，老公同我講原來間Hostel得個外觀，因為無熱水沖涼凍到佢傻咗！而我就抺吓身就算了反正都浸過溫泉！
No comments:
Post a Comment