我感受到網上對Roma Hostel的評價了，Crazy!!今朝一早未夠八點佢地就開始嘈，大概係因為有人清潔吧，d職員講野又大聲，d人掃地又掃得大聲，總之嘈死人啦！
今日我地搭本地巴士去Miraflores，呢到D巴士好古怪，因為架車有人負責拉客，拉到好似唱歌咁，咁佢地唱足一日咪喉嚨都痛埋！
到達了Miraflores，我地先食De Parque，其間經過一間教堂，門外有好多貓貓住係果度，問題係點解d貓知道佢地可以住係果度呢?
食完野就出發到Parque Del Amor... 沿途行去Parque Del Amor都有好多野睇，一來睇吓草園版既Nazca Lines，二來又有滑板比賽，點知行行下老公話佢帶錯路... 搞笑咩... 要人行咁多路！不過多謝你...如果唔係行錯路我地都唔會睇到咁多野！
去完Parque Del Amor我地就返回Lima市內，但係Miraflores我地唔識搭車返Hostel附近，問一問警察，佢地都唔知搭幾多號巴士，不過佢地好好見有巴士埋站就幫我地問去唔去到我地想去既目的地，搵到架啱既先叫我地上車~
返到Lima市內我地就去嘆返個High Tea先~ 秘魯人飲Coffee係唔加奶架，如果要加奶呢就會貴d，但係呢間餐廳又唔算太貴，所以老公叫咗杯Cafe Con Leche (即係with Milk)，而我就叫咗杯草莓奶昔，正！
由於食得太多野，所以今日食Pizza作為晚餐，唔好誤會呀，呢到食Pizza唔係成個食而係單一件咁買架，呢間舖相當旺呀！
食完Pizza忍唔住食雪糕，呢間又係有好多人排隊，今日我地試咗牛油果 + 芒果味，2款都唔差，牛油果口味是我第一次嘗到呢！
唔知點解早上既Lima天總是灰灰的，個感覺好像太陽伯伯未瞓醒，所以我還是喜歡這裡的晚間時份，看！晚間既廣場景確是優美呢！
No comments:
Post a Comment