昨晚可能係星期六，所以Hostel嘈到癲咗，d音樂播個不停。今日貴為星期日，星期日應屬於安息日，但係... Hostel既職員6點幾就開始嘈個不停，激鬼死我喇！佢地明唔明白... 遊客既需要呢？
本身今日要12點Check-out，但Hostel個叔叔知我地搭凌晨機，所以叫我地d野留返係間房，間房可以Hold到夜晚先還，真好彩！[要補充呢幾日係到沖涼既情況，由於...第一晚唔知走咗入去公眾浴室沖涼，點知等極都等唔到熱水，老公走去問職員，佢話要用熱水就要煲1個鐘水，就係咁既情況下...職員叫咗我地去佢果個秘密沖涼房到沖涼，不過廁所環境唔係太好，所以沖涼成為咗我地每晚既障礙！]
由於唔駛拖住d野四圍走所以我地決定出去「搵食」...行行吓見到我地好耐都無食過既「雞翼」，計一計數...係唔算貴既原則之下我地衝咗入去點餐。今日可能係父親節，所以好多家大細一齊係到食「雞」！
由於我地太得閒喇，又唔知去邊好，所以我地去到Real Plaza逛逛，呢一類既Plaza都算係我地第一次係秘魯見到，不過... 無野值得行！
由於...我地無野好做，所以未夠2點我地又食喇，今次又食返EL PARQUE，佢d野真係超好食，同時間呢到有得睇波，順勢我地就係呢到睇我地今界既第一場世杯！巴西 vs 科特迪瓦。
睇完波我地又去到超市搗亂 :P
買完野未夠5點，我地又食喇... 食下High Tea嘆吓Coffee，人生經常如此就真係輕鬆得多~！
9點幾我地去到Kamway食晚餐，雖然呢間野貴過我地平日食既晚餐，但勝在帶點香港人口味，今晚我就食咗個燒鵝魚蛋河，老公食咗個炒米粉，真係好味，老公食完仲順手食埋甜品添，正！
食完飯返回Hostel休息了一陣便出發到機場了，估唔到係秘魯既最後一天會食個不停咁完結！今晚我地要係機場等到凌晨5點呢！
No comments:
Post a Comment