昨天晚上凍得根本不能入睡，係個睡袋裡面左轉轉右轉轉，好不容易才捱到4點！一拉開帳幕，d霜不停地跌下來，可想而知昨晚有多冷呢！(聽說真的只有-5度)
出發前我地同Porter + Head Chef互相認識，互相介紹，嘩，估唔到我地團會有一位53歲既Porter，失覺失覺。
好...出發喇，比起昨天，今天可算是輕鬆得多，今日大概行了16Km，有上有落，但只需行5個小時更可到達營地休息了。
今日去到營地會有沖涼設施，正是如此今日大家都行得好心急，相信一切都係為沖涼而走呢！雖然如此但久唔久我地都會停下來，欣賞一番眼前既好景象。尤其是那些一層層既山最吸引我。
今日確是行得相當輕鬆，走了走，我地停了於一個古跡上聽導遊講了差不多一個小時的天文、地理、文化等...但我就越聽越眼瞓... 導遊仲不停係地上畫地圖，望兩望...其實佢著住果件衫咪有地圖lor，搞咁多野做咩呢!?
中午午飯前已到達營地，本想買支可樂獎勵自己，但一支295ml既都要買成S/. 5，我地呢d cheap精又點捨得買呢！同行有一位團有買了支啤酒要S/. 10，佢話唔貴一d都唔貴wor！不過在場的而且確有好多美國人飲酒中呢！
午飯前我地又出發去到附近既古跡，呢個古跡有點像我們曾經到過的Pisaq呢！層次分明，導遊話呢個地方有一少部份係種Coca Leaf，即係預防高山症的茶葉。
睇完返去食午飯了，導遊一再強調這裡會有沖涼室，不過係自費既，另一方面會有按摩服務，同樣係自費既。我團既團友未食完午飯已經急住去沖涼，因為導遊又話太遲沖會好多人wor！但係我同老公就慢吞吞，因為急都急唔黎！其實沖呢個涼要比S/. 5 (大約HK$15)，但係多人既時候佢會限制你沖5分鐘，到我沖既時候已經冇人等，所以我沖咗都有10分鐘，哈哈 :) 呢d都係慢吞吞既好處。不過，頂！d水時大時細，時熱時凍！老公話我知佢沖果個係全凍水添，真慘，比咗錢都要受苦！
今晚係飯堂食飯時有幾件難忘事情發生，一，就係飯後竟然有一個蛋糕，歡迎我地明天到達Machu Picchu。二，就係食完晚飯大家要比小費挑夫 + 廚師，成件事都帶點尷尬，因為我發現我地既團友都唔係比好多小費咋！三，就係你估都估唔到有人會帶埋呼拉圈(Hula Hoop)行幾日山，佢仲興奮得即場表現，真係佩服得佢五體投地，我地將佢名為"Woman...Hula Hoop on Machu Picchu"！
睇完表演，我地就趕快返回帳幕休息，因為明早將於凌晨3:30起身，迎接等了多日/多月既「天空之城」‧Machupicchu (馬丘比丘)了。
No comments:
Post a Comment