一早4點幾起身，係Hostel門口遇到一對港人母女，原來佢地都係今日出發到Machu Picchu，不過佢地係坐火車去一日團，閒談了幾句，於5點左右離開Hostel。一出門口...好凍呀！
昨晚約了導遊今早於M記集合，估唔到他那麼準時。不過我地去到廣場集合時大約等了20分鐘才等到我們的旅遊巴。我地問導遊有冇食定早餐，佢話未...咁我地見買左四個咁多所以奉獻咗一個比佢！上到車我地既團友見到老公個背包咁大個都忍唔住支持佢，皆因我地冇請Porter嘛！
一上到車我地開始品嚐那個冰凍而又硬崩崩的雞包！由於太早起身喇，食完個包我忍唔住又係車內瞓著了，大概到達了Ollantaytambo因塞車的關係我才知醒。不用20分鐘我們更到達了目的地。
於出發前導遊提醒我們去洗手間，誰知...洗手間需收費之餘衛生也是可怕得不可想像！我倆於出發前留影了一些相片，好讓他日叫自己有個美好回憶。
其實今日既午餐以及晚餐真的叫我啞口無言，因為你點都估唔到廚師整既野係咁好味！佢地真係好辛苦，行又要行得比你快(因為要準備好營地及食物)，揹既野又揹得比你多(因為佢地要揹團友既行理+食物+食具+帳幕+櫈等)，所以我都好佩服佢地！
今天行既路唔算辛苦，但久唔久也要上斜，我地有一位團友因有哮喘病所以行得較慢，以及帶點高山症徵狀呢！導遊也好好為了減輕她的負擔為她背上那個小型背包呢！另外，我地係路上遇到一群衝鋒陷陣既Alpacas！
入黑前到了營地，所有帳幕也弄好了。今次係我人生第一次瞓帳幕，估唔到第一次就要帶住一身臭汗走入這個帳幕，由於要到第三天才有機會沖涼，所以我地只好用大會提供既一盤細水作一個簡單的洗個面，以及快快手換上一套乾衣服。入黑之後，氣溫即時降至幾度，凍得連話也不想說。吃飽了後，便急急腳衝入自己的帳幕去。
今次參加這個團既團友全部都係美國人，這真是一個不屈不撓的Gringo Trail，雖然如此，但導遊的英文卻難聽得很，令我時時都不能集中精神呢！
今晚食過晚餐後抬頭一看見到很多星星，有團友更笑說D星星"Out of Control"。可惜我部相機未能拍攝到如此漂亮的景色啊！
No comments:
Post a Comment