3:30又有人拍拍帳幕叫我地起身喇。昨晚瞓覺既溫度相當好，唔凍又唔熱。吃過早餐，等到4點幾終於出發了。查實我地咁早起身主要係挑夫要煮早餐比我地食，然後趕落山搭火車！
等入Sun Gate時自己打燈留影既震震相。
大約5:45去到Sun Gate排隊等入閘往Machu Picchu去，沿路實在太多人喇，根本無辦法停下來休息。不過停落黎影張相都可以既 :-) 臨入Inti Punku前有一條好長好斜既梯級，平時既我見到都會慢慢行，但為了快D可以見到Machu Picchu我竟然手腳並用停都唔停咁向上爬呢！
先簡單介紹一下位於海拔2,460米高的Machu Picchu (馬丘比丘)，即「天空之城」。Machu既意思係"All"，Picchu既意思係"Mountains"，咁即係"ALL Mountains"既意思！這是印加文明的一個重要遺跡，這座雄偉龐大的印加城堡曾失落了數百年卻無人知曉，而這座雄偉的建築物竟不需利用鐵器，僅靠石器和人力造出。
Cuzco處於地震區，曾經歷過大地震，但至今這座「天空之城」竟然屹立不倒，可見印加建築的穩固性是相當之高。直到1911年才被美國人Hiram經當地人的引領下發現。不過考古學家到現在還研究緊點解當年印加人要係這山坡上建築這城巿。
眼見既建築，特別之處在於石塊並非用灰泥砌成，而是精妙地把一塊塊切平了既巨石推拼出來，其銜接位既整齊又緊密，你睇咁大塊石都搞得掂，真係要講句 ，「印加人萬歲」！
大家記唔記得宮崎駿既「天空之城」呢？其實動畫版某些地方跟這個真的有點相似。因為它就像一座建築在天空上的城巿一樣，於上山時，在霧景的襯托下真的覺得這是一座屬於天空上的城巿。
.JPG)
換個角度睇睇...依然動人，極好既陽光加上如此好既風光，真係「無與倫比‧Fantastic！」
係入口處印返個Machu Picchu記念蓋章落自己本護照留念先~~
係Machu Picchu逗留了足足4個鐘，便要自行往 Aguas Calientes 用膳。用膳完畢將會係自由活動時間，你可以選擇浸溫泉(Hot Spring)，又或者Shopping，不過聽聞呢個區域買手信一般都會貴3倍或以上！我地呢d咁精明既消費者又點會肯花錢呢！
估唔到行完4日3夜既Inca Trail會有張屬於自己既證書，不過有一位團友唔係咁好彩，因為導遊寫錯咗佢個名呀，搞到佢「瓜瓜大叫」係咁纏住個導遊，哈哈！仲有呀，係我地第一日開始行Inca Trail之時有一位人兄偷影咗我地每個人既樣，估唔到係食飯既時候佢會黎到搵我地，叫我地買番自己張相，不過要成S/.10 (約HK$30)，影得幾靚都好啦，我同老公都係唔會心動兼且地唔會買架，點知...同團有個團友見到Joe果張影得不錯，佢二話不說就買咗黎送比我地，佢話...因為"I Really Love you guys"，嘩！搞到我眼濕濕呀~~
約5時便要坐火車離開了。回到Cuzco，已是9時點幾了，係Cuzco車站與每位團友黎一個Big Hug之後便各自返回Hostel，因為太累諗唔到食咩，唯有係M記食餐勁啦！10點幾返到Hostel，打開房門，真有那種回到家的感覺。
4日3夜既Inca Trail之旅完畢喇，好感激每一日同我一齊祈禱既老公。好感激每一日都賜給我地好好天氣既主。好感激每一日和我一齊作戰既老公 + 團友。好開心每天瞓醒眼前都會見到好多好多優美似畫既自然景色。
No comments:
Post a Comment