今日全日都過得好輕鬆，起身梳洗完畢我地就去咗洗衣店，上次我地係同一間洗衣店洗衫個妹妹仔只係收S/.4/Kg，但今次個位大姐見我地唔同佢講價佢竟然收貴咗我地S/.1/Kg，我地當然話佢啦...想"扼"我地錢，無咁易！
由於早幾日辛勞過，所以我地決定今日食完午飯會去做吓Massage，之前格過價，呢間算係最平喇，S/. 80可以按到2個鐘！不過按完之後一D都唔舒服，因為佢地無力，而且幫我果位小姐好似係一位中學生呢！
之前我提及過係Cuzco有大節日，估唔到一日比一日大，睇吓今日條街幾熱鬧就知啦！
仲有今日去咗嘆下午茶，唔好見得果2個包，好單薄，佢地好好食架！Yummy Yummy ；)
手信必備既T-shirt，見到係唔係好開心呢? 不過...唔知咁樣叫唔叫侵犯版權呢！
(放心，我地冇買！)
今晚，終於去咗呢間野到食飯喇... 價錢係貴d，但係質素相當高。
今晚返Hostel前見到既美景，可惜我倆都影得唔係太好啦，現在見到真係好Sweet :)
明天將會離開Cuzco，搭大概20小時Cruz Del Sur返Lima，希望一路平安！
No comments:
Post a Comment