今早5點起身仲係帶點頭痛，團友們都問候我倆，叫我地多飲水以及Colca Tea，真係暖在心頭！不過尋晚我「妗」咗八張"Alpaca"既被，都敵不過「心寒」，成晚係個被窩內發抖！（因為當地人稱Alpaca既產品係好暖嘛，都唔係既！）咁早出發主要目的都係去睇南美較多既Condors（禿鷹）！
去睇Condors之前我地先去咗一個廣場，但係唔知咩原因，晨早6點幾ｄ人已經開大個喇叭係到跳晒舞，對我來說真係好吵耳！停咗一陣出發...要去睇Condors又要行大概45分鐘山才可以到達，不過沿途風光優美，再加上我地見到d好壯觀既深山，真係值回票價，可惜既係...我地2部相機都影唔到呢d立體效果，真係好可惜！
等到Condors了～
等待Condors既時候各人的姿態~
2日1夜之旅好快就完了，亦隨著時間既洗禮我倆既頭痛都好得七七八八了！離開前俄羅斯夫婦送上了一個俄國既記念品(Matreshka)比我地，佢地話呢個公仔明明係俄羅斯嘢，但佢地唔明點解係中國有咁多複製品！哈，偉大既祖國！
回程時沿路風光太美了，我根本不能進睡！
返到Arequipa我地見到呢位終極背包者，以及今晚Pizza night + Hot shower=滿足 :)
No comments:
Post a Comment